Молитва о том, чтобы с любовью ухаживать за болящим
Ухаживать за родным человеком, который болеет — это святая обязанность каждого православного. Но все мы люди разные: один — стойко несёт груз ответственности, другой же — сдается, опускает руки. В последнем случае на помощь приходит особая молитва.
Её словами верующий, чей близкий борется с недугом, испрашивает у Господа дарования терпения в деле служения болящему, помощи в отречении от усталости, ниспослания любви к человеку, здоровье и жизнь которого, всецело сосредоточены в его руках. Текст молитвы чтобы с любовью ухаживать за больным следующий:
Господи, Иисусе Христе, Сыне Бога Живаго, Агнче Божий, вземляй грехи мира, Пастырю добрый, положивый душу Твою за овцы Твоя, Небесный Врачу душ и телес наших, исцеляяй всякий недуг и всякую язву в людех Твоих! Тебе припадаю, помози мне, недостойной рабе Твоей. Призри, Многомилостиве, на делание и служение мое, даждь ми быти верною в мале; послужити болящим, Тебе ради, носити немощи немощных, и не себе, но Тебе Единому угождати во вся дни живота моего. Ты бо рекл еси, о, Сладчайший Иисусе: "Понеже сотвористе единому от сих братий Моих меньших, Мне сотвористе". Ей, Господи, суди мне, грешной, по сему глаголу Твоему, яко да сподоблюся творити благую Твою волю во отраду и утешение искушаемых, недугующих раб Твоих, ихже искупил еси честною Твоею Кровию. Ниспосли ми благодать Твою, попаляющую во мне страстей терние, призвавый мя, грешную, на дело служения о Имени Твоем; без Тебе не можем творити ничесоже: посети убо нощию и искуси сердце мое, внегда предстояти ми у возглавия болящих и низверженных; уязви душу мою Твоею любовию, вся терпящею и николиже отпадающею. Тогда возмогу, Тобою укрепляема, подвигом добрым подвизатися и веру соблюсти, даже до последнего моего издыхания. Ты бо еси Источник исцелений душевных же и телесных, Христе Боже наш, и Тебе, яко Спасителю человеков и Жениху душ, грядущему в полунощи, славу и благодарение и поклонение возсылаем, ныне и присно и во веки веков. Аминь.