Пред иконой Пресвятой Богородицы Гребневская

Пред иконой Пресвятой Богородицы Гребневская
Тропарь пред иконой Пресвятой Богородицы Гребневская, глас 8-й

Днесь, яко солнце пресветло, просия в Российстей стране, в конце ея полуденнем, всечестная икона Твоя, Влады­чице, юже благоверный великий князь Димитрий в град Москву принесе. Свет­ло празднуем, благовернии людие, честнаго образа пришествие, молящеся при­лежно: Владычице Богородице, молися Сыну Твоему, Христу Богу нашему, избавити град Москву, страну нашу и вся православныя христианы от варварскаго пленения, и междоусобныя брани, и всех навет вражиих, Тебе бо Едину За­ступницу имамы.

Кондак пред иконой Пресвятой Богородицы Гребневская, глас тойже

От святыя иконы Твоея, Богородице Дево, источаются исцеления, яко реки многи, яже видевше, российстии людие, сице глаголем: о Пресвятая Владычице Богородице, не забуди грешных раб Твоих, молящихся Христу Богу нашему спастися нам.

Величание пред иконой Пресвятой Богородицы Гребневская

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем, с верою притекающим.

Молитва первая пред иконой Пресвятой Богородицы Гребневская

К кому возопию, Владычице? К кому прибегну в горести моей, аще не к Тебе, Госпоже Владычице Богородице, Царице Небесная? Кто плач мой и воздыхание мое приимет, аще не Ты, о Пренепорочная, Надеждо христиан и Прибежище грешным? Приклони, о Пречистая Владычице, ушеса Твоя к молению моему, Мати Бога моего, не призри мя, требующа Твоея помощи, услыши стенание мое и вопль сердца моего внуши, о Госпоже Богородице Царице. И подаждь ми радость душевную, подкрепи мя нетерпеливаго, унылаго и нерадиваго к Твоему хвалению. Вразуми и научи мя, како Тебе молитися подобает, и не отступи от мене, Мати Бога моего, за роптание и нетерпение мое: но буди ми покров и заступление в жизни моей и приведи мя к тихому пристанищу блаженнаго онаго покоя, и сопричти мя к лику избраннаго Твоего стада и тамо удостой мя воспевати и славити Тя во веки. Аминь.

Молитва вторая пред иконой Пресвятой Богородицы Гребневская

О Пречудная и Превышшая всех тварей Царице Богородице, Небеснаго Царя Христа Бога нашего Мати, Пречистая Одигитрие Марие! Услыши нас грешных и недостойных в час сей молящихся и припадающих к Твоему Пречистому Образу со слезами и умиленно глаголющих: изведи нас от рова страстей, Владычице Преблагая, изба-ви нас от всякия скорби и печали, огради от всякия напасти и злыя клеветы, и от неправеднаго и лютаго навета вражия. Можеши бо, о Благодатная Мати наша от всякаго зла сохранити люди Твоя и всяким благодеянием снабдити и спасти; разве Тебе иныя Предстательницы в бедах и обстояниях, и теплыя Ходатаицы о нас, грешных, не имамы. Умоли, Госпоже Пресвятая, Сына Твоего Христа Бога нашего, да удостоит нас Царствия Небеснаго; сего ради всегда славим Тя, яко Виновницу спасения нашего, и превозносим святое и великолепное имя Отца и Сына и Святаго Духа, в Троице славимого и поклоняемаго Бога, во веки веков. Аминь.

Молитва третья пред иконой Пресвятой Богородицы Гребневская

О, Пречистая Царица Небесная, Всеславная Матерь Спасителя нашего. Услышь молитвы грешных людей, обращающихся пред образом Твоим в слезах и словах покаяния. Защити нас от смертных страстей, избавь от печалей, несчастий и скорби, огради от напастей, злых помыслов, невежества и врагов неправедных. В Твоих силах, о Благочестивая Мать, защитить православных христиан от всякого зла и спасти от огня дьявольского. Ты, скорая заступница в бедах и несчастьях, награди нас покровительством своим. Умоли Господа Бога и Сына Своего Христа о нашем праве на Царство Небесное. Славим имя Твое, спасительницы нашей, и превозносим имя Отца, и Сына, и Святого Духа во веки веков. Аминь.

Новые молитвы

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться

Молитвы об ослаблении вечных мук умерших без покаяния

Ознакомиться