Пред иконой Пресвятой Богородицы Избавительница

Пред иконой Пресвятой Богородицы Избавительница
Тропарь пред иконой Пресвятой Богородицы Избавительница, глас 4-й

Яко пресветлая звезда, просия Бо­жественными чудесы святый образ Твой, Избавительнице, лучами благодати и милосердия Твоего озарив в нощи скорбей сущих. Подаждь убо и нам, Всебла­гая Дево, избавление от бед, исцеле­ние недугов душевных и телесных, спа­сение и велию милость.

Ин тропарь пред иконой Пресвятой Богородицы Избавительница, глас 4-й

Избавление Присносящая всем, от сердца Тебе призывающим, принеси избавление скорое и нам, в лютых бедах погибающим и в Тебе Единой избавление наше по Бозе полагающим.

Кондак пред иконой Пресвятой Богородицы Избавительница, глас 8-й

Ко иконе Твоей, Пресвятая Госпоже, бедствовавший с верою притекше, заступлением Твоим избавишася от злых, но, яко Мати Христа Бога, и нас свободи от лютых обстояний, временных и вечных, да зовем Ти: радуйся, Избавительнице наша от всех бед.

Величание пред иконой Пресвятой Богородицы Избавительница

Величаем Тя, Пресвятая Дево, и чтим образ Твой святый, имже болезни наша врачуеши и души к Богу возводиши.

Молитва пред иконой Пресвятой Богородицы Избавительница

О, Мати Божия, помоще и защита наша, егда попросим, буди избавительнице наша, на Тя бо уповаем и всегда вседушно Тя призываем: умилосердися и помози, пожалей и избави, приклони ухо Твое и наши скорбныя и слезныя молитвы приими, и якоже хощеши, успокой и обрадуй нас, любя­щих твоего Безначального Сына и Бога нашего. Аминь.

Новые молитвы

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться

Молитвы об ослаблении вечных мук умерших без покаяния

Ознакомиться