Пред иконой Пресвятой Богородицы Нерушимая Стена

Пред иконой Пресвятой Богородицы Нерушимая Стена
Тропарь пред иконой Пресвятой Богородицы Нерушимая Стена, глас 4-й

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи, Тя бо и едину надежду имамы.

Ин тропарь пред иконой Пресвятой Богородицы Нерушимая Стена, глас 4-й

Яко Нерушимую стену и всемощный покров стяжахом Тя, раби Твои, Владычице Богородице, мрак грехов и скорбей отгоняющую. Темже молим Тя: мир мирови Твоему даруй и душам нашим свет и спасение.

Величание пред иконой Пресвятой Богородицы Нерушимая Стена

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.

Молитва первая пред иконой Пресвятой Богородицы Нерушимая Стена

О, благодатная Владычице наша Богородице, Приснодево, приими от нас сие благодарственное хвалебное пение и вознеси ко Творцу и Зиждителю нашему теплыя молитвы Твоя за нас недостойных, да простит Он, Милосердый, нам вся грехи наша, помыслы лукавыя и нечистыя, дела скверныя.

О, Госпоже Пресвятая, умилосердися и низпосли дар по коегожде потребе: болящия исцели, скорбящия утеши, заблуждшия вразуми, охрани младенцы, воспитай и научи юныя, ободри и настави мужи и жены, поддержи и согрей старыя, буди нам и зде, и в жизни вечней Стено Нерушимая, избави от всяких бед и напастей и от вечнаго мучения, да всегда воспевающе Твою Материнскую любовь, восхваляем всем сердцем Сына Твоего, со Отцем Его и Святым Духом, во веки веков. Аминь.

Молитва вторая пред иконой Пресвятой Богородицы Нерушимая Стена

Царице моя преблагая, надеждо моя, Богородице, приятелище сирых и странных Предстательнице, скорбящих Радосте, обидимых Покровительнице! Зриши мою беду, зриши мою скорбь; помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.

Новые молитвы

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться

Молитвы об ослаблении вечных мук умерших без покаяния

Ознакомиться