Пред иконой Пресвятой Богородицы Знамение Курская Коренная

Пред иконой Пресвятой Богородицы Знамение Курская Коренная
Тропарь пред иконой Пресвятой Богородицы Знамение Курская Коренная, глас 4-й

Яко необоримую стену и источник чудес стяжавше Тя раби Твои, Богородице пречистая, сопротивных ополчения низлагаем. Темже молим Тя: мир граду Твоему даруй и душам нашим велию милость.

Кондак пред иконой Пресвятой Богородицы Знамение Курская Коренная, глас тойже

Честнаго образа Твоего знамение празднующе людие Твои, Богородительнице, имже дивную победу на сопротивныя граду Твоему даровала еси. Темже Тебе верою взываем: радуйся, Дево, христиан похвало.

Величание пред иконой Пресвятой Богородицы Знамение Курская Коренная

Достойно есть блажити Тя, Богородице Дево, честнейшую Херувим и славнейшую без сравнения Серафим.

Величание иное пред иконой Пресвятой Богородицы Знамение Курская Коренная

Величаем Тя, Пресвятая Дево, и чтим образ Твой честный, имже показала еси преславное знамение.

Молитва первая пред иконой Пресвятой Богородицы Знамение Курская Коренная

Царице наша Преблагая, надеждо наша, Богородице, Приятелище сирых и странных Предстательнице, скорбящих Радосте, обидимых Покровительнице, зриши нашу беду, зриши нашу скорбь; помози нам, яко немощным, окорми нас, яко странных, обиду нашу веси, разреши ту, яко волиши, избави отечество наше, страждущую землю Российскую, от лютаго безбожников обстояния, спаси и сохрани рабы Твоя

(имя рек)
и всех нас, зде предстоящих и молящихся, и покрый нас от всякаго зла честным Твоим омофором, яко не имамы иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши нас и покрыеши во веки веков. Аминь.
Молитва вторая пред иконой Пресвятой Богородицы Знамение Курская Коренная

О Царица Небесная! Кто изочтет великое множество чудес Твоих, кто исчислит вопли молитвенных прошений, токи умиленных слез, благодарных воздыханий, пролитых пред иконою Твоею.

Овеяна убо вся она скорбию народной, плачем угнетенных и радостною хвалою утешенных.

Припадаху к ней людие, понесшие агарянское иго, плакаху Москва в смутное время, взываше Курск в нашествие вражеское. Вопияше вся область во дни смертоносных болезней и бед, и вся скорби на радость прелагала еси. Темже и ныне благослови землю Русскую. Спаси от греха, погибели и соблазнов страну нашу. Излей благодать на труд земледельческий и на всякое благое начинание общественное.

Помяни, Пресвятая Дево, по имени всех предстоящих и молящихся и вся люди, требующая Твоего утешения, помощи и милосердия. Ты убо веси тайная сердец наших. Темже всем по потребе их прошения исполни. Изрядне же заблудших обрати к покаянию, нас же всех умудри светом Евангельския любви и добрых дел.

Архипастыри и пастыри и вся верныя в православии до смерти тверды покажи, в царство небесное управи и со Христом жити сотвори во веки веков. Аминь.

Новые молитвы

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться

Молитвы об ослаблении вечных мук умерших без покаяния

Ознакомиться