Молитвы блаженному Андрею, Христа ради юродивому

Молитвы блаженному Андрею, Христа ради юродивому
Кондак блаженному Андрею, глас 4-й

Во юродство претворився волею, мира сего красоты отнюд возненавидел еси, плотская мудрования увядил еси постом и жаждею, и зноем, и студению мраза, от дождя и снега, и от прочия воздушныя тяготы никогдаже уклонився, очисти еси себе яко злато в горниле, Андрее блаженно.

Тропарь блаженному Андрею, глас 1-й

Глас Апостола Твоего Павла услышав глаголющ, мы юроди Христа ра­ди, раб Твой, Христе Боже Андрее,юрод бысть на земле Тебе ради: темже память его почитающе, Тебе молим, Господи, спаси души наша.

Молитва первая блаженному Андрею
от телесных и душевных болезней, для защиты от врагов

О, великий угодниче Христов, истинный друже и верный рабе Всетворца Господа Бога, Преблаженне Андрее! Услыши ны, многогрешный, ныне вопиющия к тебе и призывающия имя твое святое, помилуй ны, припадающия днесь к пречистому образу твоему, приими малое наше и недостойное сие моление, умилосердися над убожеством нашим, и молитвами твоими исцели всяк недуг и болезнь души и тела нашего грешнаго, и сподоби ны течение жизни сея невредимо от видимых и невидимых врагов и безгрешно прейти, и христианскую кончину непостыдну, мирну, безмятежну, и Небеснаго Царствия наследие получити со всеми святыми во веки веков. Аминь.

Молитва вторая блаженному Андрею
при душевных болезнях

О святый угодниче Божий, блаженне Андрее! Подвигом добрым подвизався на земли, восприял еси на Небесех венец правды, егоже уго­товал есть Господь всем любя­щим Его. Темже взирающе на святый твой образ, раду­емся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помо­щи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойнии есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

Новые молитвы

Молитвы от коронавируса

Ознакомиться

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться