Молитвы преподобному Геннадию Костромскому

Молитвы преподобному Геннадию Костромскому
Тропарь преподобному Геннадию Костромскому, глас 4-й

Яко пустыннолюбивая горлица, от суетнаго и многомятежнаго мира в пустыню удалився, чистотою и говением, молитвами и труждением прославил еси Бога в душе и телеси своем. И тако благочестно пожив, явился еси, преподобне Геннадие, пустыни Любимоградския украшение, иноком честнаго жития образ и теплый молитвенник за всех, притекающих к тебе с верою.

Кондак преподобному Геннадию Костромскому, глас 3-й

Молитвою и постом, труждением и терпением умертвивый всякое плоти мудрование, чистоты сосуд благолепен, Божественных даров и чудес причастник, иноком же доблий наставник был еси, сподвизаяся блаженному Корнилию, отче Богомудре. Сего ради вопием: молися ко Господу, да молитвами твоими дарует мир и спасение душам нашим.

Молитва преподобному Геннадию Костромскому
о даровании детей

Избранниче Божий и чудотворче, преподобный отче Геннадие! От юности твоея исполнен сый Духа премудрости и разума, Духа благочестия и страха Господня, и приим вся оружия Божия, препоясав чресла твоя истиною, оболкся в броня правды и обув нозе во уготование благовествования мира, над всеми же восприим щит веры, возмогл еси, яко добр воин Христов, вся стрелы лукаваго разжженныя угасити. Сего ради водворяяся днесь с ликами Безплотных сил в обителях Отца Небеснаго, неувядаемым венцем увязен еси и, предстоя Престолу Царя славы, Господа сил, имаши дерзновение возносити к Нему моления и благохваления твоя. Мы же, окаяннии, возводя из глубины зол очи и сердца наша к Горнему Сиону, Жилищу Бога Иаковля, молим тя, преподобне Геннадие: буди заступником и ходатаем нашим пред Богом и Господем нашим, Судиею правед­нейшим, Егоже выну прогневляем, согрешающе пред Ним. И якоже во дни плоти своея дивная и преславная совершил еси, отче всехвальне, тако и ныне, прешед от нас в обители Отца Небеснаго, удиви ходатайством своим милость Господню на нас. Да, отбегше нечестия и мирских похотей, Богови же благоугодивше, обрящем помощь Его во время благопотребно и благословение на ны и на дела рук наших, и да сподобит нас наследити Царство Небесное и с лики святых славити и воспевати пречестное и великолепое имя Отца, и Сына, и Святаго Духа ныне и присно и во веки веков. Аминь.

Новые молитвы

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться

Молитвы об ослаблении вечных мук умерших без покаяния

Ознакомиться