Молитвы преподобному Самсону странноприимцу

Молитвы преподобному Самсону странноприимцу
Тропарь преподобному Сампсому странноприимцу, глас 8-й

В терпении твоем стяжал еси мзду твою, отче преподобне, в молитвах непрестанно терпевый, нищия возлюбивый и сия удовливый, но молися Христу Богу, Сампсоне милостиве блаженне, спастися душам нашим.

Кондак преподобному Сампсому странноприимцу, глас 8-й

Яко врача всеизрядна и молитвенника благоприятна, к раце твоей притекающе, Сампсоне богомудре преподобне, сошедшеся любовию, псалмы и песньми, радующеся, Христа прославляем, таковую тебе благодать подавающа исцелений.

Величание преподобному Сампсому странноприимцу

Ублажаем тя, преподобне отче Сампсоне, и чтим святую память твою, наставниче монахов и собеседниче ангелов.

Молитва первая преподобному Сампсому странноприимцу
от разных болезней

О, теплый молитвенниче, благостный отче, преподобне Сампсоне! Моли Бога о мне, грешнем, и низпосли от Всеблагаго Владыки помощь ми и избавление, привременна бо есть жизнь моя и исполнена труда, скорбей и болезней. Укрепи сердце мое, да возмогу понести тяготу мою, и не попусти, да превозмогут искушения многая моя малыя силы, но споспешествуй мне заступлением твоим и посреде обстояний и бед управи путь мой в Царство Небесное, да славлю Прославльшагося в тебе Господа во веки. Аминь.

Молитва вторая преподобному Сампсому странноприимцу
от того же

О, предстателю наш пред Господем и теплый молитвенниче, преподобне отче Сампсоне! Зриши с небесе, яко погибаем во обстояниих и скорбех: прилагается бо посреде нас неверие ко отступству и разделению, оскудевает любы, умножаются же беззакония и соблазны, болезни и скорби множества бездомных, гладных и сирых. Откуду, отче, приимем силы, да устроим противу соблазнов мира, сохраним в сердцах наших любовь и веру Христову и упование православных и приложим попечение о больных и бедных, аще не ты заступиши нас твоим предстательством теплым, прося нам помощи от Бога в немощех наших? Сохрани убо молитвами твоими благомощие Христолюбиваго народа нашего, крепость страны Российския, мир и безмятежие Святыя Церкве, всех же нас огради и сохрани непоколебимы посреде неверных, поносящих веру нашу хулителей, огради от соблазнов, возбуди сердца имущих к милованию нищих, согреянию хладных, напитанию алчущих и призрению бездомных, утоли умножение скорбей и болезней, глада и прочих уязвляющих ны бед, даруй ослабу страждущим младенцам, ниспошли от Господа укрепление, утешение и отраду женам, в муках деторождения сущим, и всем, в тяжких работах, в больницах, заточениих и темницах унывающым, да вси прославим в Троице славимаго Бога Отца, и Сына, и Святаго Духа. Аминь.

Новые молитвы

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться

Молитвы об ослаблении вечных мук умерших без покаяния

Ознакомиться