Молитвы Собору двенадцати Апостолов

Молитвы Собору двенадцати Апостолов
Тропарь Собору двенадцати Апостолов, глас 4-й

Апостолов первопрестольницы и вселенныя учителие, Владыку всех молите мир вселенней даровати и душам нашим велию милость.

Кондак Собору двенадцати Апостолов, глас 2-й

Камень Христос каменя веры прославляет светло, учеников преизрядна, и с Павлом весь дванадесяточисленный собор днесь, ихже память совершающе верно, сих Прославльшаго прославляем.

Молитва первая Собору двенадцати Апостолов
от бед и опасностей

О святии апостоли Христовы: Петре и Андрее, Иакове и Иоанне, Филиппе и Варфоломее, Фомо и Матфее, Иакове и Иудо, Симоне и Матфие! Услышите наши молитвы и воздыхания, сердцем сокрушенным ныне приносимые и помозите нам, рабам Божиим (имена), вашим мощным пред Господем ходатайством, избавитися от всякаго зла и вражия лести, твердо же преданную вами веру православную сохраняти, в ней же вашим предстательством ни ранами, ни прещением, ни мором, ни коим гневом от Создателя нашего умалени будем, но мирное зде поживем житие и сподобимся видети благая на земли живых, славяще Отца и Сына и Святаго Духа, Единаго в Троице славимаго и покланяемаго Бога, ныне и присно и во веки веков. Аминь.

Молитва вторая Собору двенадцати Апостолов
для помощи в учебе и успешного изучения иностранных языков

Господи Иисусе Христе, Боже наш, воистину вселивыйся в сердца двенадцати Апостолов, и силою благодати Всесвятого Духа, сошедшего в виде огненных языков, уста их открывший, так что они начали говорить на иных наречиях. Сам Господи Иисусе Христе, Боже наш, ниспосли того Духа Твоего Святого на нас и насади в наши сердца его Святое Писание, которое рука Твоя пречистая начертала на скрижалях законодателю Моисею, ныне и присно и во веки веков. Аминь.

Молитва третья Собору двенадцати Апостолов
читаемая для исполнения желаний

Святии славнии и всехвальнии Апостоли, начальнейшаго Архиерея исповедания нашего, Иисуса Христа, избраннии ученицы и строителие таин Его: Петре и Павле, Иакове и Иоанне, Андрее и Матфее, Филиппе и Варфоломее, Фомо и Иакове, Иудо и Симоне, молите Христа Бога, да от шуияго мира сего пребывания деснаго во царствии Своем сподобит предстояния, из сына противления сотворит мя сына спасения, да и аз совлекуся ветхаго человека и облекуся в новаго, созданнаго по Бозе в правде, преподобии и истине, и мя, в правду грех ради ненавидима, возлюбит и обитель во мне, недостойнем рабе Своем, достойну Себе сотворит, да в правоте веры путем тем ходя, доиду ко Отцу небесному в наследие вечнаго достоинства и тамо, юже зде верою созерцаю, яснее во славе узрю и прославлю Святую Троицу в безконечныя веки. Аминь.

Молитва четвёртая Собору двенадцати Апостолов
о помощи в делах

Владыко всемогущий, Господи Боже наш, избравый возлюбленныя Своя ученики и Апостолы на проповедь спасения всему миру, давый им власть отпущати грехи, приими ходатайства их о роде человеческом, егоже и судити с ними имаши: тех самых, яко другов Твоих, нам зело честных, дерзаем недостойнии в предстательство к Тебе, многопоспешествующее ко спасению душ наших, приводити, моляще их усердно.

Святии первоверховнии Апостоли Петре и Павле, Евангелисти Христовы Иоанне Богослове и Матфее, первозванный (учениче) Андрее, водружением Креста Россию благословивый, Апостоли святии Иакове, брате Господень, со другим Иаковом, Филиппе, Варфоломее, Фомо, Симоне, Иудо и Матфие! Вси святии богоизбрании Апостоли, изряднейшии угодницы Христовы, безбожия искоренителие и веры истинныя насадители, помозите нам мощным вашим пред Господом ходатайством, избавитися от всякаго зла и вражия лести, твердо сохраняти преданную вам веру православную, в нейже вашим предстательством ни ранами, не прещением, ни мором, ни коим гневом от Создателя своего умалени будем, но мирное зде поживем житие и да сподобимся видети благая на земли живых, славяще Отца и Сына и Святаго Духа, единаго в Троице славимаго и покланяемего Бога, ныне и присно и во веки веков. Аминь.

Новые молитвы

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться

Молитвы об ослаблении вечных мук умерших без покаяния

Ознакомиться