Молитвы святой праведной Софии, княгине Слуцкой

Молитвы святой праведной Софии, княгине Слуцкой
Тропарь святой праведной Софии, княгине Слуцкой, глас 5-й

Святая праведная мати наша Софие, нетлением мощей и чудес сиянием почти тя Бог; поминающее твое праведное житие. Тя молим: испроси телесем нашим здравие и душам спасение.

Кондак святой праведной Софии, княгине Слуцкой, глас 4-й

Придите, вси русстии жены, святую Софию восхвалим, уподобившуюся мудрым девам, елей благодати Духа Святаго стяжавшую; темже умудри ю Господь подвизатися во утверждении святыя Православныя веры и соблюдати Церковь Его непозыблему от ересей и расколов, сего ради благодарне вопоим ей: Радуйся, града Слуцка и всея земли нашея радосте и утверждение.

Величание святой праведной Софии, княгине Слуцкой

Величаем тя, святая праведная мати наша Софие, и чтем святую память твою, ты бо молиши за нас Христа Бога нашего.

Молитва святой праведной Софии, княгине Слуцкой
об исцелении от болезней, укреплении веры, защиты церкви от раскола и ересей

О святая праведная мати наша, блаженная княгине Софие, приими с любовию приношение веры, надежды и любве нашея и вознеси ко Господу, и яко в житии была еси помощница и заступница всем православным Христианом земли твоея, тако и ныне укрепи нас твердо и непоколебимо до смерти стояти за веру православную, согрей сердца наша любовию ко Господу и Пречистей Его Матери. Умоли Христа Бога нашего, да сохранит Церковь Свою святую от расколов и ересей, да утвердит в ней дух правыя веры и благочестия, дух ведения и любве, дух мира и радости вечныя, да вси духом и истиною покланяются Ему, да укрепит верных в благочестии и святости, да обратит отпадших от Православныя Церкви во святая недра ея.

О, святая мати, града Слуцка похвало и радосте, умоли Господа, да избавит град твой и вся грады и веси Белыя, Малыя и Великия Руси от глада, труса, потопа, огня, меча, нашествия иноплеменных и междоусобныя брани, от смертоносныя язвы, да ниспослет правителем нашим усердие, прозорливость, мудрость и верность, да управляют и судят по воле Его, да хранят установления Святыя Церкве. Испроси всем с верою притекающим к раце святых мощей твоих мирное житие, тишину, просвещение умов и сердец, соблюди их от козней вражиих, от соблазнов мира, во зле лежащаго, и от всякия скорби и нужды, обрати нас к покаянию и исправлению, даруй заблудшим истины познание, недугующим исцеление. Сохрани нас благодатными твоими молитвами от всех врагов видимых и невидимых и огради от всякаго зла, да прославим во вся дни жизни нашея Отца и Сына и Святаго Духа и твое заступление во веки веков. Аминь.

Новые молитвы

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться

Молитвы об ослаблении вечных мук умерших без покаяния

Ознакомиться