Молитвы святому благоверному князю Константину и чадам его Михаилу и Феодору Муромским

Молитвы святому благоверному князю Константину и чадам его Михаилу и Феодору Муромским
Тропарь святому благоверному князю Константину и чадам его Михаилу и Феодору Муромским, глас 4-й

Константин днесь весело ликовствует, предстоя Престолу Пресвятыя Троицы, видя отечествие свое, мастию духовною сияющее: емуже последоваша Михаил и Феодор, сынове его, и молятся вси трие вкупе о душах наших.

Кондак святому благоверному князю Константину и чадам его Михаилу и Феодору Муромским, глас 8-й

Изрядному воеводе и правоверному князю Константину, с сынома его вкупе, отечество его хвалящися вопиет, имеющее его начальника и заступника, яко избавльшееся им от прелести и скверны идольския: сего ради вопием ему сице: радуйся, княже Константине, преблаженне.

Величание святому благоверному князю Константину и чадам его Михаилу и Феодору Муромским

Величаем вас, святии благовернии князи Константине, Михаиле и Феодоре, и чтем святую память вашу, вы бо молите за нас Христа Бога нашего.

Молитва святому благоверному князю Константину и чадам его Михаилу и Феодору Муромским
об укреплении веры

О храбрый воине и избранный воеводо Небеснаго Царя Христа, победивый прелесть идолослужения силою Святаго Духа и просветивый град Муром святым крещением, святый благоверный княже Константине! Усердно предстояще честней раце многоцелебных мощей твоих, со слезами молим тя, просяще прияти нам твоим к Богу ходатайством грехов оставление. Предстани, святе, яко имеяй дерзновение ко Святей Троице, и подвигни с собою на молитву преудобренныя своя две отрасли, благовернаго князя Михаила послушнаго тебе до смерти и кровь свою пролиявшаго за град сей и яко незлобиваго агнца заколена бывша (тщашеся бо тьмы душ обратити ко Господу спасаемых), и благовернаго князя Феодора, ревнителя благочестию. Еще со слезами смиренно просим: сохраните, блаженнии, невредим град сей, егоже возлюбисте и свободисте от работы демонския. Обитель же сию, и живущия и труждающияся в ней, соблюдите невредимо от всех козней и стрел демонских. Даруйте, святии, царствующим градом, граду сему, всякому граду и стране мирное и немятежное житие и изобилие плодов земных. По морю плавающим и путешествующим, и к раце мощей ваших с верою прибегающим, безбеднии правителие будите: злых свобождение, мирное и радостное в домы их возвращение, молитвами вашими даруйте, да вси с радостию взываем: о благовернии наши заступницы! Соблюдите всех без напастей, да вси, прибегающе с верою к цельбоносней раце мощей ваших исцеление душам и телесем нашим приемлюще, прославляем вас, наша заступники, славяще Отца и Сына и Святаго Духа, ныне и присно, и веки веков. Аминь.

Новые молитвы

Молитвы от коронавируса

Ознакомиться

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться