Молитвы святому Леонтию, епископу Ростовскому

Молитвы святому Леонтию, епископу Ростовскому
Тропарь святому Леонтию, епископу Ростовскому, глас 4-й

Апостолом сопричастник и к Богу молебник верен, добродетельми возшед на Небесная, и любовь возложил еси к Любящему тя, и неверныя люди обратил еси в веру. Тем ныне, со Ангелы ликуя, предстоиши престолу славы всех Царя Христа Бога: молися, святителю Леонтие, да спасет души наша.

Кондак святому Леонтию, епископу Ростовскому, глас 4-й

Жития ради чистоты, Всевидец Господь свет Свой насади в души твоей, вразумити люди многия твоими учении, Леонтие преподобне.

Величание святому Леонтию, епископу Ростовскому

Величаем тя, святителю отче Леонтие, и чтим святую память твою, ты бо молиши за нас Христа Бога нашего.

Молитва святому Леонтию, епископу Ростовскому
о спасении России

О, священная главо, преславный чудотворче, первопастырю святыя Ростовския Церкве, святителю отче Леонтие! К тебе припадаем и молимся мы, смиреннии и грешнии и, яко отца чадолюбиваго, просим: всели в сердца наша любовь твою, еюже к Богу и ближним твоим при жизни твоей преисполнен был еси, яко и душу твою за паству твою положил еси, мученически пострадав от идолослужителей, научи нас, отче, тебе подражати верно, Бога и ближних наших любити искренно и заповеди Господни совершати непогрешительно, да будем и мы чада твоя не по имени токмо, но самым делом и всем житием нашим. Молися, угодниче Божий, ко Христу Богу о святей Православной Церкви и державе Российской: да пребудут в мире и благостоянии и процветают в благочестии христианстем непоколебимы. Соблюди град твой Ростов и вся грады и веси страны Российския невредимы от всякаго зла. Призри благоутробно на всяку душу христианскую, милости и помощи от тебе ищущую, буди всем нам в болезнех целитель, в скорбех утешитель, в печалех избавитель, в бедах помощник, в час смертный покровитель; да при помощи молитв твоих святых сподобимся и мы, грешнии, спасение вечное получити и Царствие Христово унаследовати. Ей, святителю Христов! не посрами упования нашего, еже по Бозе и Пресвятей Богородице на тя крепко возлагаем, но яви нам твое многомощное заступление, да хвалим, славим и величаем великое человеколюбие дивнаго во святых Своих Бога Отца, и Сына, и Святаго Духа, во веки веков. Аминь.

Новые молитвы

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться

Молитвы об ослаблении вечных мук умерших без покаяния

Ознакомиться