Молитвы святому младенцу мученику Гавриилу Белостокскому

Молитвы святому младенцу мученику Гавриилу Белостокскому
Тропарь святому младенцу мученику Гавриилу Белостокскому, глас 5-й

Святый младенче Гаврииле, ты за Прободеннаго нас ради от иудей люте от онехже в ребра прободен был еси и за Истощившаго кровь Свою за нас все тело твое на истощение крове в лютыя язвы предал еси, ныне же во славе вечней с Ним вселился еси. Тем помяни и нас, молим, зде чтущих память твою, прося нам здравие телеси и спасение душам нашим.

Кондак святому младенцу мученику Гавриилу Белостокскому, глас 6-й

Отечество твое Зверки бысть, мучениче Христов Гаврииле, идеже от истых зверей – иудеев восхищен: абие родителей лишен еси, таже вся поряду люте претерпев, в отечество Небесное преселился еси. Восхищай и нас зде от всяких напастей и скорбей и умоли, молим тя, улучити вечное наследие твое.

Величание святому младенцу мученику Гавриилу Белостокскому

Величаем тя, страстотерпче святый младенче Гаврииле, и чтем честная страдания твоя, яже за Христа претерпел еси.

Молитва святому младенцу мученику Гавриилу Белостокскому
о покровительстве детям

Младенческаго незлобия хранителю и мученическаго мужества носителю, Гаврииле блаженне. Страны нашея адаманте драгоценный и иудейскаго нечестия обличителю! К тебе мы грешнии молитвенно прибегаем, и о гресех своих сокрушающеся, малодушия же своего стыдящеся, любовию зовем ти: наших скверн не возгнушайся, чистоты сый сокровище; нашего малодушия не омерзи, долготерпения учителю; но паче сих, немощи наша от небес видя, тех исцеления нам твоею подаждь молитвою, и твоея Христу верности подражатели нас быти научи. Аще же терпеливо крест искушений и злостраданий понести не возможем, обаче и тогда милостивыя твоея помощи не лиши нас, угодниче Божий, но свободу и ослабу нам у Господа испроси: таже и молящияся о чадех своих матери услыши, здравию и спасению младенцем от Господа податися умоляяй: несть таковаго жестокаго сердца, еже слышанием о муках твоих, святый младенче, не умилится. И аще кроме сего умиленнаго воздыхания никоегоже благаго деяния принести возможем, но и таковым умиленным помыслом наша умы и сердца, блаженне, просветив, на исправление жития нашего благодатию Божиею нас настави: вложи в нас о спасении души и о славе Божией ревность неустанную, и о часе смертнем память неусыпную хранити помози нам, наипаче же в смертнем успении нашем терзания демонская и помыслы отчаяния от душ наших предстательством твоим отжени, и сия упованием Божественнаго прощения испроси, но еже и тогда, и ныне славити нам милосердие Отца и Сына и Святаго Духа, и твое крепкое заступление, во веки веков. Аминь.

Новые молитвы

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться

Молитвы об ослаблении вечных мук умерших без покаяния

Ознакомиться