Молитвы святому праведному Иоанну Русскому Исповеднику

Молитвы святому праведному Иоанну Русскому Исповеднику
Тропарь святому праведному Иоанну Русскому, глас 4-й

От земли пленения твоего воззвавый тя к Небесным селением, Господь соблюдает невредимо и цельбоносно тело твое, праведне Иоанне, ты бо, в России ятый и во Асию проданный, посреде, агарянскаго злочестия благочестно пожил еси во мнозе терпении и, сеяв зде слезами, жнеши тамо неизглаголанною радостию. Темже моли Христа Бога спастися душам нашим.

Тропарь святому праведному Иоанну Русскому, глас 8-й

Православия наставниче, благочестия учителю и чистоты, вселенныя светильниче, архиереев богодуховенное удобрение, Иоанне премудре, ученьми твоими вся просветил еси, цевнице духовная. Mоли Христа Бога, спастися душам нашым.

Кондак святому праведному Иоанну Русскому, глас 2-й

Насладився, богомудре, воздержания, и желания плотская ты успил еси, явився верою возвещаемь, и яко животадрево райское процвел еси, Иоанне отче священный.

Молитва святому праведному Иоанну Русскому
о прогнании лукавых духов от людей и животных, вреда со стороны магов и злых людей, читаемая только по благословению духовника

О, святый новоявленный угодниче Божий, Иоанне Русский! Подвигом добрым подвизаяся на земли, восприял еси на небесех венец правды, еже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстояй Престолу Божию, приими моления наша, раб Божиих (имена), и ко Всемилостивому Богу принеси, о еже простити нам всякое прегрешение и помощи нам стати противу козней диавольских, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков.

Новые молитвы

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться

Молитвы об ослаблении вечных мук умерших без покаяния

Ознакомиться