Молитвы святому преподобномученику Корнилию Псково-Печерскому

Молитвы святому преподобномученику Корнилию Псково-Печерскому
Тропарь святому преподобномученику Корнилию Псково-Печерскому, глас 6-й

Псково-Печерская обитель, издревле славная чудесы иконы Богоматерни, многия иноки Богови воспита, тамо и преподобный Корнилий подвигом добрым подвизася, чудную Богоматерь славя, иноверныя просвещая, иноки и многия люди спасая, обитель же свою дивно украшая и ограждая. Тамо и мученичества венец по многих летех пастырства своего доблестно прият. Темже воспоим, людие, Христа Бога и Пречистую Его Матерь возблагодарим, яко дарова нам преподобномученика славна и молитвенника о душах наших достоблаженна.

Тропарь общий святому преподобномученику Корнилию Псково-Печерскому, глас 8-й

В тебе, отче, известно спасеся, еже по образу: приим бо крест последовал еси Христу, и дея учил еси презирати убо плоть, преходит бо, прилежати же о души, вещи безсмертней.Темже и со ангелы срадуется, преподобне Корнилиe, дух твой.

Кондак святому преподобномученику Корнилию Псково-Печерскому, глас 2-й

Яко постника благочестна и искусна, и страдальца произволением честна, и пустыни жителя сообразна, в песнех достойно восхвалим Корнилия, приснохвальнаго: той бо змия попрал есть.

Молитва святому преподобномученику Корнилию Псково-Печерскому
о прогнании лукавых духов от людей и животных, читаемая только по благословению духовника

О святый преподобномучениче Корнилие! Милостиво призри на скорби наша душевныя и телесныя, и избаву нам подаждь; помози нам, рабам Божиим (имена), святче Божий, избавитися от навета злых человек, от нихже и сам ты невинно на земли пострадал еси; защити нас от насилия диавола, люте на нас воюющаго. Умоли Господа Бога и Пречистую Его Матерь даровати нам тихое и безгрешное житие, братскую нелицемерную любовь и мирную христианскую кончину, да чистою совестию предстанем нелицеприятному страшному судилищу Христову, и в Царствии Его прославим Животворящую Троицу, Отца и Сына и Святаго Духа, во веки веков. Аминь.

Новые молитвы

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться

Молитвы об ослаблении вечных мук умерших без покаяния

Ознакомиться