Молитвы от бессонницы

По оценкам международных исследователей почти каждый третий житель нашей планеты жалуется на то, что страдает бессонницей. Но если о таких способах борьбы с ней как снотворные, массаж и травяные сборы знают все, то об особых молитвах — немногие.

Молитвы от бессонницы читаются перед самым сном: во время вечернего молитвенного правила. Они способствуют обретению внутренней гармонии и покоя, изгоняют все дурные мысли. Отлично настраивают организм на крепкий и здоровый сон в течение всей ночи.

Однако, в ряде случаев читать их священники не рекомендуют, советуя «наслаждаться» бессонницей. Почему? Считают, что любая болезнь, и бессонница в том числе, посылается нам вовсе не случайно, а для извлечения болящим какого-либо урока. Потому и бороться с ней не нужно, а стоит пойти ей навстречу «лёгкой поступью».

Если бессонница у вас не хроническая, то примите её как дар. Не гоните её от себя, а подождите когда она отступит сама собой, что случится довольно быстро, ведь бессонница остаётся лишь до тех пор, пока не окрепнет жажда сна. А до того момента лучше о ней вообще не думать, посвятив внезапно появившиеся свободные минуты творению молитвы и деятельному раскаянию за совершенные грехи.

С давних пор для избавления от бессонницы православные молятся семи отрокам Эфесским, Иринарху Ростовскому, Никите Столпнику, Маруфу Месопотамскому и Александру Свирскому. Первые прославились своим длительным, почти двухвековым, сном и последующим чудесным пробуждением. Преподобный Иринарх, затворник Ростовский известен аскетическими и духовными подвигами, а также даром пророчества. Никита Столпник ещё при жизни обрёл дар исцеления телесных и душевных недугов. Маруф Месопотамский был известным христианским поэтом и писателем, под влиянием которого в Персии началось открытое исповедание христианства. Преподобный Александр Свирский — единственный из русских святых, удостоенных явления Святой Троицы, человек ведший праведный образ жизни и сотворивший немало чудес.

Благочестия проповедники и воскресения умерших изобразители, Церкви столпы седмочисленныя, отроки всеблаженныя песньми восхвалим: тии бо по многих летех нетления, аки от сна воставше, всем возвестиша яве мертвых востание.

Прославивый на земли святыя Твоя, прежде втораго и страшнаго пришествия Твоего, Христе. Преславным востанием отроков показал еси Воскресение неведящим е, нетленна одеяния и телеса явив, и царя уверил еси вопити: воистинну есть мертвых востание.

О, пречуднии святии седмочисленнии отроцы, Ефеса града похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя: низведите на ня благословение Христа Бога, рекшаго: оставите детей приходить ко Мне: болящия убо в них исцелите, скорбящия утешите; сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастити; и всех нас, святей иконе вашей предстоящих, мощи же ваша с верою лобызающих и тепле вам молящихся, сподобите Царствие Небесное улучити и немолчными гласы радования тамо прославляти великолепое имя Пресвятыя Троицы, Отца и Сына и Святаго Духа во веки веков. Аминь.

Яко мученика добропроизвольна и преподобных удобрение, звезду Ростовскую, в затворе, узах и веригах Господеви благоугодившаго и чудес благодать от Него приемшаго, Иринарха предивнаго песньми хвалебными почтим и, к нему припадающе, умильно глаголем: отче преподобне, моли Христа Бога спастися душам нашим.

Волнений множество жестоким житием преходя, изгнания, затвор и узы железныя претерпел еси мужески, Иринарше терпеливодушне, нам оставль образ злострадания и терпения твоего, озаряя чудес блистаньми с верою приходящих к честному гробу твоему, у негоже, яко почесть победную, вериги твоя тяжкия видим, от нихже подаеши исцеления недужным. Сего ради зовем ти: радуйся, Иринарше, отче предивный.

О, преподобне отче Иринарше! Се мы молим тя усердно: буди ходатай наш присный, испроси нам от Христа Бога мир, тишину, благоденствие, здравие и спасение, и от всех врагов видимых и невидимых ограждение, покрый же нас ходатайством твоим от нахождения всяких бед и скорбей, паче же от искушения врага темнаго, да вси мы с тобою прославляем всесвятое имя Отца и Сына и Святаго Духа, ныне и присно и во веки веков. Аминь.

О великий угодниче Христов, добропроизвольный страдальче, новопросиявый чудесы, отче наш Иринарше, Российстей земли удобрение, граду Ростову похвало, обители сей велие украшение и утверждение! Кто не удивится твоему самопроизвольному и долголетнему страдальческому терпению: Тридесять бо лет в тесней и хладней хижине себе заключил еси, хлад, алчбу и изнурение плоти Царствия ради Небеснаго понесл еси, к сему же и изгнание из обители, по наваждению вражию, безропотно претерпел еси. Вемы же, яко посреди умолен быв от братии, яко незлобивый агнец, паки в обитель твою возвратился еси и в туюжде хижину вселился еси, яко адамант твердый, на невидимая бесовская полчища и видимыя враги твоя терпением себе вооружив. Егда же попущением Божиим наидоша на обитель сию польстии ратницы, сих не убоялся еси смертнаго прещения, но уцеломудрився словом, во своя си возвратитися сотворил еси. Сего ради Всеблагий Бог, видя твою веру и страдальческое долготерпение, дар прозорливства и исцеления тебе дарова: бесным бо исцеление, хромым доброхождение, слепым прозрение подавал еси, и иная многая с верою к тебе приходящим во благо даже доднесь чудодействуеши. Мы же недостойнии, таковая чудеса видяще и радости исполняющеся, взываем к тебе сице: радуйся, доблественный страдальче и бесов победителю, радуйся скорый наш помощниче и теплый к Богу молитвенниче. Услыши убо и нас грешных, молящихся тебе и прибегающих под кров твой: яви милостивное предстательство твое о нас ко Всевышнему и исходатайствуй твоими богоприятными молитвами вся полезная ко спасению душ и телес наших, сохрани святую обитель сию, всякий град и весь и всякую страну христианскую от всех наветов вражиих, в скорбех же и болезнех наших подавай нам руку помощи, да твоим ходатайством и заступлением, благодатию же и милосердием Христа Бога нашего, избавимся и мы недостойнии, по отшествии от жития сего, шуияго стояния, и да сподобимся деснаго со всеми святыми во веки веков. Аминь.

Христову мученику тезоименит был еси, преподобне, многи подвиги и труды претерпел еси Христа ради, Егоже ради вериги носил еси, блаженне: Того ныне о нас моли, Никито преподобне, душевныя наша и телесныя страсти уврачевати, верою и любовию почитающих присно память твою.

Христа ради от твоих рабов нуждную смерть претерпел еси и венец нетления от Него восприял еси, приходящим же с верою от честнаго твоего гроба подаеши цельбы, о Никито преподобне, молитвенниче о душах наших.

О, всечестная главо, преподобне отче, преблаженне Никито преподобномучениче! Не забуди нищих твоих до конца, но поминай нас всегда во святых своих и благоприятных молитвах к Богу и не забуди посещати чад своих. Моли за ны, отче благий и избранниче Христов, яко имеяй дерзновение к Небесному Царю, и не премолчи за ны ко Господу, и не презри нас, верою и любовию чтущих тя. Поминай нас недостойных у Престола Вседержителева и не престай моляся за нас ко Христу Богу: тебе бо дана бысть благодать молитися за ны. Не мним бо тя мертва суща, аще бо и телом преставился еси от нас, но и по смерти убо жив пребываеши. Не отступай от нас духом, сохраняя и соблюдая нас от стрел вражиих и всякия прелести бесовския, заступниче и молитвенниче наш добрый. Аще бо и мощей твоих рака пред очима нашима видима есть всегда: но святая твоя душа со ангельскими воинствы, со безплотными лики, с небесными силами у Престола Вседержителя Бога достойно веселится. Ведуще убо тя воистину и по смерти жива суща, тебе припадаем, и тебе молимся и мили ся ти деем, еже моли ти ся о нас Всесильному Богу о пользе душ наших, и испроси нам время на покаяние, и невозбранно приити от земли на Небо, и горьких мытарств, и воздушных князей, и вечныя муки избавитися нам, и Небесному Царствию наследником быти со всеми праведными, от века угодившими Ему, Господу нашему Иисусу Христу, Емуже подобает всякая слава, честь и поклонение, со Безначальным Его Отцем и Святым Духом, ныне и присно и во веки веков. Аминь.

В тебе, отче, известно спасеся еже по образу приим бо крест последовал еси Христу, и дея учил еси презирати убо плоть, приходит бо: прилежати же о души, вещи безсмертней: тем же и со Ангелы срадуется, преподобне Маруфе, дух твой.

Чистотою душевною Божественно вооружився, и непристанныя молитвы яко копие вручив крепко, пробол еси бесовская ополчения Маруфе, моли непрестанно о всех нас.

Ублажаем тя, преподобне отче Маруфе, и чтем святую память твою, наставниче монахов и собеседниче Ангелов.

О священная главо, преподобне отче, преблаженне авво Маруфе, не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя: поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у Престола Вседержителева предстоящи, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его Духом, ныне и присно, и во веки веков. Аминь.

От юности, богомудре, желанием духовным в пустыню вселився, единаго Христа возжелал еси усердно стопам в след ходити. Темже и ангельстии чини зряще тя удивишася, како с плотию к невидимым кознем подвизався, премудре, победил еси полки страстей воздержанием, и явился еси равноангелен на земли, Александре, преподобне. Моли Христа Бога, да спасет души наша.

Яко многосветлая звезда днесь в странах Российских возсиял еси, отче, вселився в пустыню, Христовым стопам последовати усердно возжелел еси, и Того святое иго на рамо твое взем честный крест, умертвил еси, труды подвиг твоих, телесная взыграния. Темже вопием ти: спаси стадо твое, еже собрал еси мудре, да зовем ти: радуйся, преподобне Александре, отче наш.

Ублажаем тя, преподобне отче Александре, и чтим святую память твою, наставниче монахов и собеседниче ангелов.

О священная главо, ангеле земный и человече небесный, преподобне и богоносне отче наш Александре, изрядный угодниче Пресвятыя и единосущныя Троицы, многия милости живущим во святей обители твоей и всем, с верою и любовию притекающим к тебе, являяй! Испроси нам вся к житию сему временному благо потребная, паче же к вечному спасению нашему нужная: пособствуй предстательством твоим, угодниче Божий, да в мире глубоце пребудет святая Православная Церковь Христова, и во благостроении Отечество зиждется, во всяком благочестии нерушимо: буди всем нам, чудотворче святый, во всякой скорби и обстоянии скорый помощник: наипаче же в час кончины нашея явися нам заступник благосердный, да не предани будем на мытарствах воздушных власти злобнаго миродержца, но да сподобимся непреткновеннаго восхода во Царствие Небесное. Ей, отче, молитвенниче наш присный! Не посрами упования нашего, но присно о нас, рабах Божиих (имена), пред престолом Живоначальныя Троицы предстательствуй, да сподобимся вкупе с тобою и со всеми святыми, аще и недостойни есмы, в селениих райских славити величие, благодать и милость единаго в Троице Бога, Отца и Сына и Святаго Духа, во веки веков. Аминь.

Вместе с чтением молитв от бессонницы в целях борьбы с этим недугом можно использовать и такие средства: ограничение потребления чая и кофе после шести часов вечера, прекращение работы за компьютером и просмотр телепередач за пару часов до сна, а также приведение режима дня к тому, чтобы всегда засыпать и просыпаться в одно и тоже время. Следует также исключить любые физические нагрузки в вечернее время. Днём же, напротив — начать делать гимнастику.

Для крепкого здорового сна стоит выпивать на ночь стаканчик молока с ложкой меда и корицей, либо просто мёд, разведённый в тёплой воде. Но только не использовать в качестве снотворного алкоголь!

Весьма действенным средством в борьбе с бессонницей являются различные успокаивающие травяные настои: пустырника, ромашки, мелиссы, боярышника, валерианы, лаванды. А вот употребление лимонов, гречки, моркови, яблок и зелёных салатов в рационе желательно сократить или по крайне мере не употреблять их на ужин.

Неплохо будет принимать перед сном контрастный душ или даже ванну с добавлением в воду эфирных масел. Также совершать вечерние прогулки, обязательно проветривать помещение перед тем как лечь спать, а спать на спине либо правом боку.

Какое из средств для борьбы с бессонницей подойдёт именно вам можно будет узнать только методом проб и ошибок. Всё очень индивидуально.