Молитвы при лихорадке или горячке

Кто из нас не сбивал температуру лекарствами или не принимал в такие моменты горячий чай с лимоном? Врят ли такие люди вообще существуют. А ведь помимо описанных существуют ещё всякие отвары, настои и конечно молитвы, помогающие при горячке и лихорадке.

Святых, которым молятся при лихорадке, довольно много: апостол Пётр, Василий Новый, Марон Сирийский, Сисиний Кизический, Мирон Критский, Артемий Веркольский, Тарасий Константинопольский, Фотина Самарянка. Все они при жизни были верными последователями Господа, проповедуя христианское учение и любовь к ближним.

Апостол Пётр — один из ближайших учеников Христа, проповедовавший с такой силой, что разом обращал в веру тысячи человек. Пользовался огромным уважением среди христиан, исцелял больных и воскрешал мёртвых. С первых веков нашей эры чтится как чудотворец, помогающий в исцелении телесных и душевных недугов, а также помощник в укреплении веры.

Исцелял страждущих от телесных недугов, а также обращал грешников на путь покаяния, и Василий Новый. Он жил на рубеже IX и X веков недалеко от Константинополя, сперва подвизаясь в пустынном месте, а затем осев в Евдоме. Ежедневно принимал множество людей, приходивших за советами и наставлениями. Умер Василий Новый в возрасте ста десяти лет.

Марон Сирийский — ещё один пустынник, получивший от Господа дар исцелений. Он выбрал для себя подвиг беспокровного жилья, поселившись на одной из сирийских гор. Правда, со временем всё-таки выстроил небольшой шалаш, в котором стал принимать приходивших к нему за помощью людей: избавлял страждущих от телесных недугов, изгонял бесов, подвигами поста укреплял веру сомневающихся. Скончался после непродолжительной болезни в конце IV века.

Сисиний Кизический — раннехристианский святитель и исповедник, известный как ярый ревнитель веры и борец с язычеством. Во времена царствования Диоклетиана претерпел жестокие мучения, но остался жив и впоследствии даже принял участие в Первом Вселенском соборе. Согласно житию при жизни совершил немало великих чудес.

В это же время на острове Крит жил святитель Мирон. Он занимался земледелием и попутно помогал всем обращавшимся за помощью, получив от Господа дар чудотворений. Известен, к примеру, такой случай: однажды, во время волнения реки, Мирон, остановив её течение, просто взял и перешёл по воде как посуху, а затем повелел воде возобновить течение. Преставился святитель в столетнем возрасте.

А вот Артемий Веркольский чудесами при жизни прославиться не успел: в возрасте 13 лет, помогая отцу в поле, он был насмерть поражен молнией. 28 лет пролежало тело отрока в лесу, пока случайно не было найдено клириком местной церкви Агафоником, удивившимся тем, что останки были совершенно нетронуты тлением. К сожалению сельчане не проявили к умершему должного внимания: привезли тело из лесу и просто положили на паперти, прикрыв гроб берестой. Однако, уже в 1577 году отношение к Артемию Веркольскому в народе изменилось: по молитвам к его мощам закончилась разразившаяся в окрестных землях эпидемия. Затем произошло ещё несколько чудес. А в 1619 году уже сложившееся общенародное почитание святого было благословлено митрополитом Нижегородским Макарием II.

Тарасий Константинопольский — человек, вошедший в историю как председатель Седьмого Константинопольского собора, осудившего ересь иконоборцев. Вёл суровую аскетическую жизнь. До самой своей кончины помогал нищим и сиротам. Известно, что у гроба его совершались многочисленные чудеса.

Фотина Самарянка — это христианская мученица, перенесшая тяжелейшие пытки и принявшая мученическую смерть в 66 году. Согласно церковному преданию именно у неё Иисус Христос попросил испить воды из колодца Иакова.

Вскоре после смерти началось почитание мученицы: ей молятся об укреплении веры, помощи в добрых делах, исцелении телесных и душевных недугов.

Пустынный житель и в телеси Ангел и чудотворец показался еси, отче Артемие: постом, бдением, молитвою небесныя дарования приим, исцеляеши недужныя и души верою притекающих к тебе. Слава Давшему тебе крепость, слава Венчавшему тя, слава Действующему тобою всем исцеления.

Вышняго повелением, тученосным облаком, небо помрачившим и молниям блистающим, грому же возшумевшему с прещением, испустил еси душу твою в руце Господеви, премудре Артемие, и ныне предстоиши Престолу Владыки всех, иже верою и любовию приходящим к тебе, подая исцеление всем неотложно и моляся Христу Богу спастися душам нашим.

Возсия днесь пресветлая память премудраго Артемия; Богоданная благодать, яко реки, изливает от целебных мощей его дивная исцеления, имиже от многоразличных недуг избавляемся, с верою приемлюще я и взывающе: радуйся, Артемие Богомудре.

Величаем тя, страстотерпче Христов, Артемие, и чтим святую память твою, ты бо молиши за нас Христа Бога нашего.

Святый угодниче Божий, Артемие праведный, хранителю присный святыя обители, твоим именем украшенныя, и всего севернаго края Российския страны близкий защитниче! Призри милостивно на усердную молитву нас грешных и твоим благомощным предстательством испроси нам у Господа прощение согрешений наших, преспеяние в вере и благочестии и ограждение от козней диавольских. Моли Господа, да хранит во здравии и непременяемем благополучии благочестивый народ наш, да подаст державе нашей мир, тишину и нелицемерное послушание, да сподобит всех нас получити, по христианстей кончине, Небесное Царствие, идеже вси праведнии купно с тобою, присно славят Отца и Сына и Святаго Духа. Аминь.

О великий угодниче Божий, святый праведный Артемие, покровителю святыя обители, твоим именем красующияся, сильный ходатаю о нас ко Господу, великий благодетелю и живущих зде иноков твоея обители и всех с верою и любовию притекающих к раце чудотворных мощей твоих! Призри милостивно на убогую молитву нас, грешных и непотребных рабов, и твоим всемощным предстательством испроси нам у Господа прощение грехов, преспеяние в вере и благочестии и ограждение от козней супостата, ищущаго нас погубити. Даруй братству твоея обители, от старших до последних, смирение и кротость, любовь и послушание вседушное, служение и житие благоговейное, святое и во всем верное и благодушное исполнение иноческаго общежития, да, работающе Господеви непостыдно и духом горяще в непрестанней молитве за благотворителей наших живых и усопших, явимся верными рабами Господа, да Церковь Православная всея России, яко вертоград благонасажденный, цветет и плодотворит богато плодами веры и благочестия! Моли Господа, да хранит во здравии, душевнем спасении и благопоспешении во всем православный народ наш. Моли Господа о милости и благодатных щедротах Святейшему Патриарху нашему (имярек)и Святейшему Синоду нашему. Моли Господа, да ходатайством и заступлением преблагословенныя Владычицы нашея Богородицы все мы и зде мирное и богоугодное житие поживем и по мирней христианстей кончине сподобимся в преславнем царствии милости Царя Неба и земли. Отца и Сына и Святаго Духа, славяще Его ныне и присно и во веки веков. Аминь.

О великославный угодниче Божий, о великий чудотворче, святый и праведный Артемие, херувиме земный, человече небесный, ангелов собеседниче, небесный жителю! Призри с высоты небесныя светлым оком твоим, и ниспосли нам лучы Божия благодати. Светильниче Боговозжженный, твоими святыми молитвами разжени мрак грехов наших, упроси у Отца светов свет благодати душам нашим, всех правоверных скорый быв помощник и заступник. Всяк бо, с верою под кров защищения твоего молитвенно притекаяй и заступления Твоего у Господа просяй, абие пособствуем бывает, Божию же милость обретает и желания сердца своего не лишается, но просит благодати и приемлет дар на пользу прошения. Ты еси, праведный Артемие, вертоград Богом насажденный, в немже цвет здравотворный, процвете, еже исцелитися многим от зельнаго трясавичнаго недуга. О коль мнози твоею чудесною помощию слепии прозреша, глусии слух прияша, хромии возскочиша и ходяша, немощнии действо рук прияша, безумнии воумишася, разслаблении в жилах укрепишася, сляченнии исправишася и имущии вреды исцелеша! Еще же и сквернии демони молитвою твоею отгнашася, и инии неисцельнии недузи разрешишася. Тако, святый и праведный Артемие, всем всегда милостив являешися. Убо и о нас неисповедимую Божию благость умоли, да оставит нам Господь долги наша, и да хранит государство Российское в мире и благоденствии, в крепости и обилии, и веру православную да укрепит, церковныя же расколы да утолит, и вся православныя христианы да спасет. Мы же твою память святую от рода в род честно праздновати будем, славяще прославльшаго тя Христа Господа, Емуже подобает всякая слава, честь и поклонение, со Безначальным Его Отцем и со Пресвятым и Благим и Животворящим Духом, ныне и присно, и в безконечныя веки веков. Аминь.

Апостолов первопрестольницы, и вселенныя учителие, Владыку всех молите, мир вселенней даровати, и душам нашим велию милость.

Твердыя и боговещанныя проповедатели, верх апостолов Твоих, Господи, приял еси в наслаждение благих Твоих и покой; болезни бо онех и смерть приял еси паже всякого бесплодия. Едине сведый сердечная.

О, святый Петре, великий апостоле, самовидче и сотаинниче Божий, всемощною десницею Учителя твоего из вод волнующихся приятый и от конечнаго потопления свободивыйся! Не забуди и нас убогих, в тине греховней погрязших и волнами житейскаго моря обуреваемых: подаждь нам твою руку крепкую, помози нам и удержи нас от потопления во страстех, похотех, лжах и клеветах. Сотвори и ты с нами милость, тебе от Господа явленную, да не в сомнении и маловерии изгибнем. Научи нас, учителю наш, проливати слезы покаяния, да плачем горько о деяниих наших в веце сем. И аще твоя слезы, в покаянии излиянныя, милостию Своею покры Господь и Учитель твой, испроси и нам, со дерзновением апостольским, прощения во гресе ежечаснаго, от Христа отреченныя злыми помыслы и делы нашими. Да тихое и безмолвное житие поживем в веце сем до часа, в оньже имать призвати нас века Господь, наш Судия нелицеприятный. Ты же, о всехвальный апостоле, не отвержи вопля нашего и стенаний к тебе, но заступи нас пред Христом твоим Учителем, да непрестанно славим Его милосердие к нам, со Отцем и Святым Духом, во веки веков. Аминь.

Яко незаходимое солнце возсия нам днесь светозарными твоими молитвами, преподобне отче наш Мароне, иже некия горы достигл, и тамо на ней живущими нечестивыми чтом бысть, за превосходящую твою к Богу добродетель; и тамо обрет требище идольское, Богу освятив, в нем пребывал еси: и видев Человеколюбец Бог твой подвиг и труды, дарова тебе дар Свой, имже принесеся имя твое в человецех, целити скорби, огневицу и трясавицу прибегающим к тебе с верою. Темже и зовем: радуйся, целителю наш скорый, радуйся, заступниче наш теплый: предстоиши бо у Пресвятыя Троицы, молися Той о призывающих имя твое святое, да избавимся от сих тяжких скорбей и спасет души наша.

Фарисейскаго тщеславия удаляяся, преподобне отче наш Мароне, на гору высокую возшел еси, и тамо победу показал еси на диавола: требище бо бесовское обрет и Богу освятив, в нем пребыл еси, молитвами твоими огневицу и трясавицу утоляя, и бесы прогоняя, и от различных недуг свобождая. Того ради, святе, молися Христу Богу, да спасет души наша.

Страстей пещь, преподобне, угасил еси, воздержания росою. Дарованием обогатился еси исцелений от Бога, Мароне, приял еси целити верным болезни тяжкия, и бесов отгонити полки. Сего ради с веселием почитаем тя.

О возлюбленная и священная главо, преподобне и богоносне отче наш Мароне! Назирай свыше милостивно нас грешных, и молися Всещедрому Владыце и всех благ Подателю Богу о соблюдении державы нашия и сохранит ее от всех врагов цело и неврежденно. Буди же молебник и о нас недостойных. Ко Всеблагому Господу честнии твои руки простри, и от Него милость и щедроты испроси, ими же от всех бед и лютых болезней нас сохрани, и от всяких страстей свободи, такожде от нестерпимыя и неутишимыя огневицы и трясавицы молитвами твоими избави нас и от нападения бесов; от видимых и невидимых врагов соблюди, и согрешениям нашим прощение испроси, и спасены Христу нас представи, во еже в день Страшнаго Суда, с радостию предстати нам пред лицем неизреченныя славы Его, и милостивно призвание в Царство Небесное от Него услышати, и в неизреченной радости преславную Его лица доброту узрети, благодатию и Человеколюбием Господа Бога и Спаса нашего Иисуса Христа: яко Держава его благословена и препрославлена со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

В тебе, отче, известно спасеся еже по образу, приим бо крест, последовал еси Христу, и дея учил еси презирати убо плоть, приходит бо: прилежати же о души, вещи безсмертней: тем же и со Ангелы срадуется, преподобне Василие, дух твой.

Чистотою душевною Божественно вооружився, и непристанныя молитвы яко копие вручив крепко, пробол еси бесовская ополчения Василие, моли непрестанно о всех нас.

Ублажаем тя, преподобне отче Василие, и чтем святую память твою, наставниче монахов и собеседниче Ангелов.

О священная главо, преподобне отче, преблаженне авво Василие, не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя: поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у Престола Вседержителева предстоящи, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его Духом, ныне и присно, и во веки веков. Аминь.

Мученик Твой, Господи, Сисиние, во страдании своем венец прият нетленный от Тебе Бога нашего имеяй бо крепость Твою, мучителей низложи, сокруши и демонов немощныя дерзости того молитвами спаси души наши.

Звезда светлая явился еси непрелестная мирови, Солнца Христа возвещающи зарями твоими, страстотерпче Сисиние, и прелесть погасил еси всю, нам же подавши свет, молися непрестанно о всех нас.

Величаем тя, страстотерпче святый Сисиние, и чтем честная страдания твоя, иже за Христа претерпел еси.

Боже святый и во святых почиваяй, трисвятым гласом на небеси от Ангел воспеваемый, на земли от человек во святых Своих хвалимый: давый Святым Твоим Духом комуждо благодать по мере дарования Христова, и тою поставивый Церкви Твоей святей овы Апостолы, овы пророки, овы же благовестники, овы пастыри и учители, их же словом проповеди. Тебе Самому действующему вся во всех, мнози совершишася святии в коемждо роде и роде, различными добродетельми благоугодившии Тебе, и к Тебе нам образ добрых подвигов своих оставивше, в радости прешедшии, готови, в нем же сами искушени быша, и нам напаствуемым помогати. Сих святых всех воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, паче те Твоею вседействующею благодатию, небесныя с ними сподобитися славы, хваляще пресвятое имя Твое, Отца и Сына и Святаго духа во веки. Аминь.

Правило веры и образ кротости воздержания учителя яви тя стаду твоему яже вещей истина; сего ради стяжал еси смирением высокая, нищетою богатая, отче священноначальниче Мироне, моли Христа Бога спастися душам нашим.

Божественный гром, труба духовная, веры насадителю и отсекателю ересей, Троицы угодниче, великий святителю Мироне, со Ангелы предстоя присно, моли непрестанно о всех нас.

Величаем тя, святителю отче Мироне, и чтим святую память твою: ты бо молиши за нас Христа Бога нашего.

О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Мироне, предстоя у Престола всех Царя и наслаждаяся света единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце, моли спастися паствы Христовы людем, благостояние святых церквей утверди: архиереи благолепием святительства украси, монашествующыя к подвигом добраго течения укрепи, царствующий град и вся грады и страны добре сохрани, и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, пленных возврати, немощствующыя и молящияся тебе от всех напастей и бед ходатайством твоим свободи: моли о нас Всещедраго и Человеколюбиваго Христа Бога нашего, да и в день Страшнаго Пришествия Его от шуияго стояния избавит нас, и радости святых причастники сотворит со всеми святыми во веки веков. Аминь.

Правило веры и образ кротости, воздержания учителя, яви тя стаду твоему, яже вещей истина, сего ради стяжал еси смирением высокая, нищетою богатая, Отче Тарасие, моли Христа Бога спастися душам нашим.

Православными догматы Церковь уяснив, и Христову, блаженно, честную икону почитати и покланятися всех научив, облечил еси иконоборцев безбожное веление. Сего ради вопием ти: о отче, радуйся, мудре Тарасие.

Боже святый и во святых почиваяй, трисвятым гласом на небеси от Ангел воспеваемый, на земли от человек во святых Своих хвалимый: давый Святым Твоим Духом комуждо благодать по мере дарования Христова, и тою поставивый Церкви Твоей святей овы Апостолы, овы пророки, овы же благовестники, овы пастыри и учители, их же словом проповеди. Тебе Самому действующему вся во всех, мнози совершишася святии в коемждо роде и роде, различными добродетельми благоугодившии Тебе, и к Тебе нам образ добрых подвигов своих оставивше, в радости прешедшии, готови, в нем же сами искушени быша, и нам напаствуемым помогати. Сих святых всех воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, паче те Твоею вседействующею благодатию, небесныя с ними сподобитися славы, хваляще пресвятое имя Твое, Отца и Сына и Святаго духа во веки. Аминь.

Божиим Духом озарена и струями орошена от Христа Спаса, всехвальная, спасения водою напояшеся и ту жаждущим нетленно предала еси, великомученице и равноапостольная Фотино, Христа Бога моли спастися душам нашим.

Мученик днесь венец и слава, Фотина хвальная, к небесным возшедши, вся приглашает к песнопению, тоя даров наслаждающияся, тем от всех честными хвалы прославляется верно.

О, святая мученица Фотино! Безмерно любовию ко Христу окрыляема, мужество, терпение и силу великую с находящимися с тобою сестрами, сыновьями и просвещенными тобою явила еси. Евангелие Христово с дерзновением проповедала, и явися тебе и всем, с тобою бывшим, Христос, и всех на предстоящия муки укрепил и утешил. В Рим пришедши и безбоязненно Христа исповедавши, в темницу заключена быша, и многия муки претерпеша, в колодезь брошена, душу свою Господу предала еси.

Услыши нас, святая Фотино, духовною красотою воссиявшая и людей непрестанно и неумолкаемо, в темнице и в городах, вере во Христа поучавшая. Внемли нам, взирая на нас грешных, и благодатию Христовою исцели болящих лихорадкою, да не окропит их дождь греховный, но в здравии душевном и телесном жизнь свою неослабно в добрых делах проведут и прославят Владыку всех, Отца щедрот, Бога Милостиваго, во все века. Аминь.