Молитвы святому благоверному князю Олегу Брянскому

Молитвы святому благоверному князю Олегу Брянскому
Тропарь святому благоверному князю Олегу Брянскому, глас 8-й

От юности возлюбив Христа всем сердцем, преподобне, славу земную, яко преходящу, оставил еси и, царство земное в ничтоже вменив, лику инок радостно причелся еси, и труды многими град Брянск, аки солнце пресветло, озарил еси: тем быв Троицы украшение, моли, княже Олеже, Христа Бога спастися душам нашим.

Кондак святому благоверному князю Олегу Брянскому, глас 4-й

Уподобился еси плодоносней леторасли от корене честнаго, Олеже благородне, истину возлюбив и нетленный Христов живот. Темже молитвою, бдением и пощением светильник великий быв твоим учеником, просвети, блаженне, отечество твое и спаси души наша.

Величание святому благоверному князю Олегу Брянскому

Ублажаем тя, благоверне княже Олеже, и чтим святую память твою, ты бо молиши за нас Христа Бога нашего.

Молитва первая святому благоверному князю Олегу Брянскому
от тщеславия и гордости

О преподобне отче, благоверне княже Олеже! Воззри, преблаженне, милостивно на дом (приход) сей и люди, в нем живущия, и не отвержи требующих твоея помощи, не презри нас, молящихся тебе, но помози нам (имена) скорым предстательством твоим, да всяких бед, напастей и скорбей в сей жизни временней избежавше, кончину непостыдну обрящем, и тако на земли богоугодно поживше, жизни райския на небеси сподобимся, идеже вкупе с тобою прославим человеколюбие и щедроты в Троице славимаго Бога, Отца и Сына и Святаго Духа, во веки веков. Аминь.

Молитва вторая святому благоверному князю Олегу Брянскому
от плотской страсти и искушений

О преподобне отче, благоверне княже Олеже, угодниче Христов усердный, молитвенниче ко Господу теплый, защитниче в бедах и утешителю в печалех неустанный! Воззри, всеблаженне, милостивно на град твой и виждь чада твоя, смиренно припадающая и служити тебе хотящая. Не отвергни требующия твоея помощи, но яко благодатель и ходатай моли присно Господа Бога и Спаса нашего Иисуса Христа, да благословит страну Российскую, в мире и благоверии ю сохраняя, грады умножая, достояние Свое соблюдая. Вознеси, богоносне отче наш, сие малое моление недостойных раб твоих Владыце Христу, да утвердит во святей Православней Церкви живый дух правыя веры и любве, благочестие непоколебимо, любомудрие христопоследовательно, да дарует пастырем ревность попечения о спасении людей, во еже неверущия просветити, заблудшия наставити, отпадшия обратити и привлещи. Изряднее же, да вся чада Церкви Православныя чисты сохранит от мирских искушений, плотских похотей, суемудрия, суеверий и навождений вражеских. Ей, угодниче Божий, не презри нас, молящихся тебе, но помози нам скорым предстательством твоим, да всяких бед, напастей и скорбей в сей жизни временней избежавше, кончину непостыдну обретем, и тако благоугодно на земле поживше, жизни райския на Небеси сподобимся, идеже вкупе с тобою прославим человеколюбие и щедроты в Троице славимаго Бога, Отца и Сына и Святаго Духа, во веки веков. Аминь.

Новые молитвы

Молитвы от коронавируса

Ознакомиться

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться