Молитвы великомученику Иоанну Новому

Молитвы великомученику Иоанну Новому
Тропарь великомученику Иоанну Новому, глас 4-й

Мученик Твой, Господи Иоанне, во страдании своем венец прият нетленный от Тебе Бога нашего имеяй бо крепость Твою, мучителей низложи, сокруши и демонов немощныя дерзости того молитвами спаси души наши.

Кондак великомученику Иоанну Новому, глас 6-й

Звезда светлая явился еси непрелестная мирови, Солнца Христа возвещающи зарями твоими, страстотерпче Иоанне, и прелесть погасил еси всю, нам же подавши свет, молися непрестанно о всех нас.

Величание великомученику Иоанну Новому

Величаем тя, страстотерпче святый Иоанне, и чтем честная страдания твоя, иже за Христа претерпел еси.

Молитва первая великомученику Иоанну Новому
читаемая на успешную торговлю

Святый великомучениче Иоанне! Призри с небеснаго чертога на требующих твоея помощи и не отвергни прошений наших, но, яко присный благодетель и ходатай наш, моли Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго твоего заступления. Да молитвами твоими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, юже стяжал есть честною Своею Кровию. Молися прилежно, святий мучениче, да благословит Христос Бог державу, да утвердит во святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава со Отцем и Святым Духом, ныне и присно и во веки веков. Аминь.

Молитва вторая великомученику Иоанну Новому
для того же

О святый угодниче Божий, Иоанне! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякого зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

Молитва третья великомученику Иоанну Новому
для того же

Святый, славный и всехвальный Великомучениче Христов, Иоанне, несумненный ходатаю нашего спасения. Молим Тя раби Твои, собрании днесь в Божественнем Твоем храме и раце святых мощей поклоняющиеся; милостив буди якоже нам, тако и далече отстоящим и на помощь Тя призывающим и мученическая Твоя страдания похвалами ублажающим. Испроси нам всем у Многомилостиваго Господа Бога и Спаса нашего Иисуса Христа прощения и оставления грехов до сего дне и часа содеянных нами. Сохрани нас невредимых от всех козней лукаваго и ненаветну жизнь нашу соблюди от всех зол душевных и телесных; всегда, ныне и присно и во веки веков. Аминь.

Новые молитвы

Молитвы от коронавируса

Ознакомиться

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться