Молитвы перед едой и после еды

В православии всегда уделялось особое внимание темам чревоугодия и голода. По этой причине верующим были дарованы специальные молитвы, читаемые православным перед каждым приёмом пищи и по завершению оного.

В христианской традиции обычаю чтения молитвы перед едой придаётся сразу несколько значений. Молясь мы одновременно обращаемся к Богу с просьбой освятить ниспосланную пищу, благодарим Его за хлеб насущный, и просим не оставлять нас своей милостью и впредь. Важное значение молитва до еды имеет и в деле укрепления семейных уз, ведь за столом в это время, как правило, собирается вся семья.

Молиться стоит перед каждым принятием пищи, не пропуская ни единого из них. Об этом говорили многие святые отцы. К примеру, преподобный Серафим Вырицкий связывал многочисленные болезни людей именно с тем, что они перестали читать молитву перед едой, и вкушают пищу, приготовленную без должного благодарения, с руганью, с плохими помыслами. Не советовал садится за стол и вкушать пищу в возмущении и раздражении, после ссоры, и праведный Иоанн Кронштадтский, считающий молитвы перед едой именно тем средством, которое позволяет привести чувства в норму и обрести благоговейный настрой.

Старец же Николай Гурьянов сравнивал людей, не благодарящих Бога за ниспосланную пищу с животными, отвечая на колкий вопрос: «Батюшка, а у Вас там в деревенской забытой глухомани все так перед едой молятся?», заданный одним из молодых людей, разделяющих с ним яства.

В наши дни известно два варианта совершения молитв перед едой, которые читаются во все дни года, исключая Пасху и двунадесятые праздники, в которые произносят праздничные тропари.

Первый вариант можно назвать «мирским»: он очень краткий и произносится в подавляющем большинстве православных семей. Состоит из чтения главной христианской молитвы «Отче наш», которую допускается заменять молитвой «Очи всех на Тя, Господи, уповают, и Ты даеши им пищу во благовремении, отверзаеши Ты щедрую руку Твою и исполняеши всякое животное благоволения» и благословения пищи и пития словами «Господи, Иисусе Христе, Боже наш, благослови нам пищу и питие молитвами Пречистыя Твоея Матере и всех святых Твоих, яко благословен во веки веков. Аминь», после произношения которых принято осенять пищу и питие крестным знамением.

Второй вариант много обширней и предусматривает перед каждым отдельным приёмом пищи, т.е. завтраком, обедом, ужином и прочими, творение различных чинов молитвословий, в зависимости от характера той или иной трапезы. С условностями это вариант можно назвать «уставным», потому что хоть и составлен он с использованием последований богослужебных книг, содержит не включённые в них чины молитвословий перед завтраком и неуставными трапезами.

Как пред началом всякого молитвословия, прежде всего полагаются три поклона с покаянными молитвами:

Боже, очисти мя грешнаго. (Поклон)

Создавый мя, Господи, помилуй мя. (Поклон)

Без числа согреших, Господи, помилуй и прости мя, грешнаго. (Поклон)

Посем молитва перед трапезой:

Очи всех на Тя, Господи, уповают, и Ты даеши им пищу во благовремении, отверзаеши Ты щедрую руку Твою и исполняеши всякое животно благоволения.

Слава: (Поклон) И ныне: (Поклон) Господи, помилуй. (Трижды) (Поклон) Благослови.

Иерей: Христе Боже, благослови ястие и питие рабом Твоим, яко Свят еси, всегда, ныне и присно, и во веки веков.

Если трапезуют только миряне, то сам читающий молитву, обычно старейший, не благословляя трапезы, произносит:

Молитвами святых отец наших, Господи Иисусе Христе Сыне Божий, благослови ястие и питие рабом Твоим, яко Свят еси, всегда, ныне и присно, и во веки веков.

И мы: Аминь.

Три кратких покаянных молитвы с поклонами. Затем:

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Слава: (Поклон) И ныне: (Поклон) Господи, помилуй. (Трижды) (Поклон) Благослови.

Иерей: Христе Боже, благослови ястие и питие рабом Твоим, яко Свят еси, всегда, ныне и присно, и во веки веков.

В отсутствие иерея мирские: Молитвами святых отец наших, Господи Иисусе Христе, Сыне Божий, благослови ястие и питие рабом Твоим, яко Свят ecu, всегда, ныне и присно, и во веки веков.

Все: Аминь.

Прежде всего полагаются три поклона с покаянными молитвами:

Боже, очисти мя грешнаго. (Поклон)

Создавый мя, Господи, помилуй мя. (Поклон)

Без числа согреших, Господи, помилуй и прости мя, грешнаго. (Поклон)

После трех покаянных молитв:

Ядят убозии, и насытятся, и восхвалят Господа взыскающии Его, жива будут сердца их в век века.

Слава, и ныне. Господи помилуй. (Трижды) Благослови.

Иерей: Христе Боже, благослови ястие и питие рабом Твоим, яко Свят еси, всегда, ныне и присно, и во веки веков.

Если трапезуют только миряне, то сам читающий молитву, обычно старейший, не благословляя трапезы, произносит:

Молитвами святых отец наших, Господи Иисусе Христе Сыне Божий, благослови ястие и питие рабом Твоим, яко Свят еси, всегда, ныне и присно, и во веки веков.

И мы: Аминь.

Три кратких покаянных молитвы с поклонами:

Боже, очисти мя грешнаго. (Поклон)

Создавый мя, Господи, помилуй мя. (Поклон)

Без числа согреших, Господи, помилуй и прости мя, грешнаго. (Поклон)

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради. Слава, и ныне. Господи, помилуй. (Трижды)

Иерей: Христе Боже, благослови ястие и питие рабом Твоим, яко Свят еси, всегда, ныне и присно, и во веки веков.

Если трапезуют только миряне, то сам читающий молитву, обычно старейший, не благословляя трапезы, произносит:

Молитвами святых отец наших, Господи Иисусе Христе Сыне Божий, благослови ястие и питие рабом Твоим, яко Свят еси, всегда, ныне и присно, и во веки веков.

И мы: Аминь.

Помимо чтения молитв перед принятием пищи с давних пор повелась традиция читать их и после. В первую очередь произносят их в качестве благодарности Господу о ниспосланных благах. Также выражают ими надежду о даровании мира над головой и обретения Царствия Небесного.

Существует два варианта совершения молитв после еды: краткий и полный. Краткий ограничивается словами: «Благодарим Тя, Христе Боже наш, яко насытил еси нас земных Твоих благ; не лиши нас и Небеснаго Твоего Царствия, но яко посреде учеников Твоих пришел еси, Спасе, мир даяй им, прииди к нам и спаси нас». Полный же много обширнее: он предусматривает совершение различных чинов молитвословий, составленных применительно к характеру той и другой трапезы.

Благодарим Тя, Христе Боже наш, яко насытил еси нас земных Твоих благ, не лиши нас и Небеснаго Твоего Царствия, но яко посреде учеников Твоих пришел еси, Спасе, мир даяй им, прииди к нам, и спаси нас.

Слава: (Поклон) И ныне: (Поклон) Господи, помилуй. (Трижды) (Поклон) Благослови.

Иерей: С нами Бог Своею благодатию и человеколюбием, всегда, ныне и присно, и во веки веков.

Мы: Аминь.

В отсутствие иерея: Молитвами святых отец наших, Господи Иисусе Христе Боже наш, помилуй нас.

И три заключительных поклона с молитвами:

Боже, очисти мя грешнаго. (Поклон)

Создавый мя, Господи, помилуй мя. (Поклон)

Без числа согреших, Господи, помилуй и прости мя грешнаго. (Поклон)

Творим отпуст: Молитвами святых отец наших, Господи Иисусе Христе Боже наш, помилуй нас.

И мы: Аминь.

Благословен Бог, милуяй и питаяй нас от юности нашея, даяй пищу всякой плоти, исполни радости и веселия сердца наша, да всегда всякое довольство имуще, преизобилуем во всякое дело благое, во Христе Иисусе Господе нашем: с Нимже Тебе слава подобает, держава, честь и поклонение, со Святым Духом во веки. Аминь.

Слава Тебе, Господи, слава Тебе, Святый, слава Тебе, Царю, яко дал еси нам брашна в веселие: исполни нас и Духа Святаго, да обрящемся пред Тобою благоугодни и непостыдни, егда воздаси комуждо по делом его.

Благодарим Тя, Христе Боже наш, яко насытил еси нас земных Твоих благ, не лиши нас и небеснаго Твоего Царствия, но яко посреде учеников Твоих пришел еси, Спасе, мир даяй им, прииди к нам и спаси нас.

Затем поются или читаются тропари в тот день служащихся праздников — Господского, Богородичного, Архангелов, Предтечи, Апостолов и великих Вселенских Святителей (с поклоном после каждого тропаря).

Посем тропарь Всем Русским Святым (глас 8):

Якоже плод красный Твоего спасительнаго сеяния, земля Русская приносит Ти, Господи, всех святых, в той просиявших. Тех молитвами в мире глубоце Церковь и страну нашу Богородицею соблюди, Многомилостиве.

И тропари празднуемых в тот день русских святых (с поклонами).

Слава: Тропарь пророку Илии (глас 4):

Во плоти ангел, пророков основание, вторый предтеча пришествия Христова, Илия славный, от ангела пищу приемый и вдовицу во время глада препитавый, и нам, почитающим тя, благодатный питатель буди.

И ныне: Богородичен (глас тойже):

К Заступнице страны нашей Приснодеве Богородице притецем, и к первописанной иконе Ея ныне припадем, с верою зовуще из глубины души: о Мати Божия, спаси землю Русскую, исцели сокрушение ея, и верных людей утеши.

К благодарению за насыщение может быть присоединено моление об устроителях трапезы и благодетелях. Тогда по окончании тропаря Богородице иерей возглашает:

Милостиве Господи, помилуй рабов Твоих, нас милующих. Все повторяют этот припев. Иерей: Слава. И мы: И ныне. Затем поют катавасию:

Избави от бед и скорбей рабов Твоих, питающих нас, Милостиве, яко мы усердно к Тебе прибегаем, к Милостивому Питателю нашему и всем милостивым помилование обещавшему.

Иерей произносит ектению: Помилуй нас, Боже, по велицей милости Твоей, молимтися, услыши и помилуй.

Все: Господи, помилуй. (Трижды)

Иерей: Еще молимся о милости, жизни, мире, здравии, спасении, посещении, прощении и оставлении грехов... (Мирской начинает прошение: Помилуй Господи... далее продолжение общее) всех любящих, милующих и питающих нас, благодеющих и служащих нам, заповедавших и о них же заповедано нам молитися, и всех сродников их, о еже воздати им за любовь к нам, помянути их веру в силу молитвы братии и священников Твоих, и по вере их исполните вся прошения их, излити на них блага духовная и телесная, благословити успехом труды и начинания их, и сохранити их от всяких скорбей (наипаче же да не будет им скорби за сие дело любви, нам совершаемое), молимся Тебе, Милосерде Господи, услыши нас грешных, молящихся Тебе, и помилуй.

Все: Господи, помилуй. (Трижды)

Иерей: Яко милостив...

Все: Аминь.

Слава: (Поклон) И ныне: (Поклон) Господи, помилуй. (Трижды) (Поклон) Благослови.

Иерей: Благословен Бог, милуяй и питаяй нас от Своих богатых даров, Своею благодатию и человеколюбием, всегда, ныне и присно, и во веки веков.

В отсутствие иерея мирские: Молитвами святых отец наших, Господи Иисусе Христе Боже наш, помилуй нас.

Все: Аминь.

В заключение полагается три поклона с обычными молитвами и все благодарят устроителей трапезы и старшего из сотрапезников.

Бысть чрево Твое Святая Трапеза, имущая Небеснаго Хлеба, Христа Бога нашего, от Негоже всяк ядый не умирает, якоже рече всех, Богородительнице, Питатель.

Честнейшую херувим, и славнейшую без сравнения серафим, без истления Бога Слова рождшую, сущую Богородицу Тя величаем.

Возвеселил ны еси, Господи, в творениих Твоих, и в делех руку Твоею возрадуемся. Знаменася на нас свет лица Твоего, Господи, дал еси веселие в сердце моем, от плода пшеницы, вина и елея своего умножишася. В мире вкупе усну, и почию, яко Ты, Господи, единаго на уповании вселил мя еси.

Слава, и ныне: Господи, помилуй. (Трижды) Благослови.

Иерей: С нами Бог Своею благодатию и человеколюбием, всегда, ныне и присно, и во веки веков.

Мы: Аминь.

В отсутствие иерея: Молитвами святых отец наших, Господи Иисусе Христе Боже наш, помилуй нас.

Достойно есть, яко воистинну, блажити Тя, Богородицу, Присноблаженную и Пренепорочную и Матерь Бога нашего. Честнейшую херувим и славнейшую без сравнения серафим, без истления Бога Слова рождшую, сущую Богородицу Тя величаем.

Слава, и ныне. Господи, помилуй. (Трижды) Благослови.

Иерей: С нами Бог Своею благодатию и человеколюбием, всегда, ныне и присно, и во веки веков.

Мы: Аминь.

В отсутствие иерея: Молитвами святых отец наших, Господи Иисусе Христе Боже наш, помилуй нас.

И три заключительных поклона с молитвами:

Боже, очисти мя грешнаго. (Поклон)

Создавый мя, Господи, помилуй мя. (Поклон)

Без числа согреших, Господи, помилуй и прости мя грешнаго. (Поклон)

Какого либо правильного или неправильного способа читать молитвы перед и после еды — не существует. Их можно проговаривать вслух, читать про себя или даже петь. Читая — стоять или сидеть. В одних семьях эти молитвы произносит глава семейства, в других — все собравшиеся за обеденным столом.

Однако помните, что во время чтения не стоит отвлекаться на другие дела, пребывать в плохом настроении или думать о чёт то ином кроме произносимых в данный момент словах молитвы. Только в таком случае слова её будут услышаны Богом.

Если на поминальной трапезе присутствует иерей, то сначала совершается обычная заупокойная лития, после которой поется Отче наш... и следует благословение трапезы.

Если же в числе присутствующих нет иерея, то после трех обычных поклонов:

Молитвами святых отец наших, Господи Иисусе Христе Боже наш, помилуй нас. Аминь.

Святый Боже, Святый Крепкий, Святый Безсмертный, помилуй нас. (Трижды с поклонами)

Слава, и ныне. Аминь. Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй. (Трижды)

Слава, и ныне. Аминь.

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

И заупокойные тропари: Со духи праведных скончавшихся душу раба Твоего (рабы Твоея), Спасе, упокой, сохраняя ю во блаженней жизни, яже у Тебе, Человеколюбче.

В покоищи Твоем, Господи, идеже вси святии Твои упокоеваются, упокой и душу раба Твоего (рабы Твоея), яко Един еси Человеколюбец.

Слава: Ты еси Бог, сошедый во ад и узы окованных разрешивый. Сам и душу раба Твоего (рабы Твоея) упокой.

И ныне: Едина Чистая и Непорочная Дево, Бога без семене рождшая, моли спастися душе его (ея).

Затем трижды произносится сия молитва с 15 поклонами: Помяни, Господи, душу усопшаго раба Твоего (усопшей рабы Твоея) имя (поклон). Елика в житии сем яко человек согреши, Ты же, яко Человеколюбец Бог, помилуй (поклон), и вечныя муки избави (поклон), и Небеснаго Царствия причастником (причастницей) учини (поклон), и душам нашим полезное сотвори (поклон).

После этого поется или читается в качестве предобеденной молитвы Отче наш, за ней следует призывание Божия благословения на трапезу по чину для мирян.

В начале поминальной трапезы прежде других снедей всем предлагается кутия. А пред последним сладким блюдом, каким традиционно подается кисель с молоком (в постные дни с миндальным или маковым), — приносится так называемое пивомедие — сладкий неалкогольный напиток. В заключение все встают и, если трапеза совершается в день погребения или поминовения: в 9-й, 20-й, 40-й дни по кончине и в первую годовщину — поют стихиру на глас 6-й:

Зряще мя безгласна, / и бездыханна предлежаща, / восплачите о мне, братие и друзи, / сродницы и знаемии: / вчерашний бо день беседовах с вами, / и внезапу найде на мя страшный час смертный; / но приидите вси любящии мя, / и целуйте мя последним целованием, / не ктому бо с вами похожду / или собеседую прочее; / к Судии бо отхожду, / идеже несть лицеприятия: / раб бо и владыка вкупе предстоят, / царь и воин, богатый и убогий / в равнем достоинстве: / кийждо от своих дел / или прославится, или постыдится. / Но прошу всех и молю, / непрестанно о мне молитеся Христу Богу, / да не низведен (низведена) буду по грехом моим на место мучения, / но да вчинит мя, идеже Свет животный.

Если же поминовение совершается в других случаях, кроме перечисленных, поется стихира, глас 8-й:

Плачу и рыдаю, / егда помышляю смерть, / и вижду во гробех лежащую / по образу Божию созданную нашу красоту, / безобразну, безславну, / не имущую вида. / О чудесе! Что сие еже о нас бысть таинство?/ Како предахомся тлению, / како сопрягохомся смерти?/ Воистинну Бога повелением, / якоже писано есть, / Подающаго преставльшемуся (преставльшейся) упокоение.

Затем иерей: Во блаженном успении рабу Божию (рабе Божией) имя, преставльшемуся (преставльшейся) вечная память.

В отсутствие иерея старший из мирян: Рабу Божию (рабе Божией) преставльшемуся (преставльшейся) вечная память.

Все: Вечная память. (Трижды)

Пьют заупокойную чашу и вкушают последнее блюдо. Трапеза оканчивается обычным благодарением.

Господи Иисусе Христе Боже наш, по великой скорби Креста и страданий Твоих радости безмерной тридневным воскресением всех исполнивый! Благодарим Тя, яко сподобил еси ныне и нас, поприще поста совершивших, достигнути святых сих дней и радости светлаго Твоего воскресения причастниками быти. Благодарим Тя, яко по милосердию Твоему и неизреченному снисхождению к немощем нашим утешаеши нас и трапезою праздничною в подкрепление и услаждение немощной плоти. Темже молим Тя, благослови сей пасхальный хлеб, млеко огустевшее, яица и прочия пасхальныя снеди, наипаче сии, от нихже, повинующеся Уставу Церкви, в мимошедшие дни поста воздерживались рабы Твои, да будут они вкушающим их со благодарением во здравие, в подкрепление сил телесных, в веселие и радость, да всякое довольство имуще, изобиловати будем и в дела благая, и от полноты благодарнаго сердца славити Тя, Воскресшаго, питающаго и утешающаго нас, купно же с Тобою и Безначальнаго Твоего Отца и Святаго Духа во веки веков. Аминь.

Молитва сия может быть прочитана иереем или старейшим из присутствующих на первой праздничной трапезе вместо обычной формулы благословения.

Господи Иисусе Христе Боже наш, по великой скорби Креста и страданий Твоих, радости безмерной тридневным воскресением вся исполнивый! Благодарим Тя, яко сподобил еси и нас, поприще поста совершивших, достигнути святых сих дней и радости светлаго Твоего воскресения причастниками быти. Молим Тя: благослови и освяти хлебы сии, ихже рабы Твои по скудости своей вместо пасхальных снедей уготоваша и пред Твое Святое Лице принесоша. Да будут они вкушающим их верным в сладость и утешение, и скудость трапезы да не омрачит праздничной радости людей Твоих. Светом воскресения да разсеяны будут все скорби и печали, да все и богатые и убогие, и изобилующие, и в скудости сущие славят Тя, Воскресшаго, и в скорбях отраду нам Подающаго, купно же с Тобою и Безначальнаго Твоего Отца и Святаго Духа, во веки веков. Аминь.

Господи Иисусе Христе Боже наш, изволивый спасения нашего ради на земли во плоти явитися и от Безневестныя и Пречистыя Девы Марии неизреченно родитися! Благодарим Тя, яко сподобил еси нас, подвигом поста предочистившихся, достигнути великаго праздника Твоего Рождества и в радости духовной со ангелами воспевати Тя, с пастырями славословити, с волхвами поклонятися. Благодарим Тя, яко по великому милосердию Твоему и безмерному снисхождению к немощем нашим утешаеши нас ныне не точию изобильною пищею духовною, но и трапезою праздничной.

Темже молим Тя, отверзающаго щедрую руку Твою, исполняющего все живущее благ Твоих, дающаго всем пищу, соответствующую времени и правилам церковным, благослови праздничныя снеди, верным людем Твоим уготованныя, наипаче сия, от нихже повинующеся Уставу Церкви Твоея, в мимошедшии дни поста воздерживались рабы Твои, да будут оне вкушающим их со благодарением во здравие, в подкрепление сил телесных, в веселие и радость. Да вси мы, всякое довольство имуще, изобиловати будем и в дела благая, и от полноты благодарнаго сердца славити Тя, питающаго и утешающаго нас, купно же и Безначальнаго Твоего Отца и Пресвятаго Духа во веки веков. Аминь.

О Пресвятая Госпоже наша, Дево Богородице, и по отшествии Твоем от земли людей православных не оставляющая, но присно милостями Своими посещающая, радости наши усугубляющая, скорби утоляющая! Благодарим Тя, яко и ныне даровала еси нам радость достигнути праздника честнаго Твоего Успения, утешитися торжеством церковным, усладитися пищею духовною – похвалами, во славу Твою воспетыми. Веруем, Владычице, яко Твоего ради ходатайства даровано нам и утешение телесное – трапеза праздничная. Моли убо, Пречистая, Твоего Сына и Бога нашего, всех благ Дателя, да благословит Он праздничныя снеди, наипаче сия, от нихже, повинующеся Уставу Святой Церкви, православные люди воздерживались в мимошедшие дни поста, да будут оне вкушающим их со благодарением во здравие, в подкрепление сил телесных, в веселие и радость, да вси мы, всякое довольство телесное имуще, изобиловати будем и в дела благая, и от полноты благодарнаго сердца славити питающаго и не по грехом нашим милующаго нас Твоего Божественнаго Сына Христа Бога нашего, купно со Безначальным Его Отцем и Святым Духом, и Тебе, нашей Матери Благодатной, Предстательнице, Помощнице и Утешительнице, вкупе со святыми апостолами молебно и благодарственно взывати: Пресвятая Богородице, помогай нам всегда, ныне и присно, и во веки веков. Аминь.

Если праздник Успения Пресвятой Богородицы случится в среду или пяток, молитва сия читается пред трапезой на следующий день.

Господи Иисусе Христе Боже наш! Благодарим Тя, яко даровал еси нам, поприще поста святых апостолов прешедшим, достигнути праздника славных Первоверховников Петра и Павла.

Молим Тя, отверзающаго щедрую руку Твою, исполняющего все живущее благ Твоих, дающаго всем пищу, соответствующую времени и правилам церковным, благослови праздничныя снеди, верным людем Твоим уготованныя, наипаче сия, от нихже повинующеся Уставу Церкви Твоея, в мимошедшие дни поста воздерживались рабы Твои, да будут оне вкушающим их со благодарением во здравие, в подкрепление сил телесных, в веселие и радость. Да вси мы всякое довольство имуще, изобиловати будем и в дела благая, и от полноты благодарнаго сердца славити Тя, питающаго и утешающаго нас, купно же и Безначальнаго Твоего Отца и Пресвятаго Духа во веки веков. Аминь.

Если праздник Первоверховных Апостолов случится в среду или пяток, молитва сия читается пред трапезой на следующий день.