Молитвы преподобному Даниилу Столпнику

Молитвы преподобному Даниилу Столпнику
Тропарь преподобному Даниилу Столпнику, глас 1-й

Терпения столп был еси, ревновавый праотцем, преподобне, Иову во страстех, Иосифу во искушениих, и Безплотных жительству сый в телеси, Данииле, отче наш, моли Христа Бога спастися душам нашим.

Кондак преподобному Даниилу Столпнику, глас 8-й

Якоже звезда многосветлая, ты, возшед, блаженне, на столп, мир просветил еси преподобными делы твоими и тьму прелести отгнал еси, отче. Темже молим тя: и ныне облистай в сердцах раб твоих незаходящий свет разума.

Молитва преподобному Даниилу Столпнику
читаемая о наставлении на праведный путь, а также в скорбях и искушениях

О преподобне и богоносне отче наш Данииле, ублажаем велия подвиги жития твоего, — скорби лютыя, болезни, искушения, им же победоносец предивный показался еси. Ве­личаем дарования благодати Господней, то­бою многочестне и многообразне явленныя болящим и скорбящим, грешным и заблуд­шим во спасение их. Поминаем тебе настав­ника премудраго, иже глагола людем словеса учительная от слова Господня, души умиляющия и умы и сердца к Богу обращающия. Молимся тебе: не забуди, о, преблаженне от­че, веры нашея к тебе и надежды упования нашего на тебе, пред святою иконою твоею присно предстоящих и тепле молящихся. Сподоби нас, умно взирающих на скончание жительства твоего, подражати вере и любви твоей. Поминай нас, недостойных, во свя­тых твоих и благоприятных молитвах к Бо­гу, яко священник Божий, предстоя Престо­лу Вседержителеву. Молим тя, великий молебниче и чудотворче святый, буди нам всегда утешитель, целитель, помощник и заступник, и покровитель, и наставник верен. Не премолчи, вопия за ны ко Господу, да с терпением течем на предлежащий подвиг спасения душ наших, взирающе на тебе, святый учителю наш, и благочестно и пра­ведно, в единении духа, в единомыслии ве­ры и любве поживем в нынешнем веце; в бу­дущем же да сподобимся славити благодать и человеколюбие Единаго в Троице славимаго Бога, Отца и Сына и Святаго Духа во ве­ки веков. Аминь.

Новые молитвы

Молитвы от коронавируса

Ознакомиться

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться