Молитвы святому праведному Ионе Одесскому

Молитвы святому праведному Ионе Одесскому
Тропарь святому праведному Ионе Одесскому, глас 8-й

Православия ревнителю, раскола и ереси искоренителю, Одесский целебниче и к Богу теплый молитвенниче, житием и чудесы твоими уподобился еси Кронштадтскому чудотворцу. Ионо праведный, моли Христа Бога спастися душам нашим.

Кондак святому праведному Ионе Одесскому, глас тойже

Многоразличные подвиги жития твоего кто исповесть? Многообразные милости Божия, тобою явленные, кто исчислит? Дерзновение же твое у Всещедраго Бога и Пречистыя Богородицы добре ведущее, во умилении сердечием зовем ти: не лиши и нас твоея помощи и заступления, пастырю Христов и чудотворче Ионо.

Молитва святому праведному Ионе Одесскому
читаемая в трудных жизненых ситуациях, для излечения телесных и духовных болезней

О предивный и преславный отче наш Ионо, пастырю праведный и человече Божий! К тебе, яко к великому молитвеннику и истинному наставнику, одержимых злыми духами разрешителю, православной веры поборнику, в нужде находящихся помощнику, немощных целителю, сирот и вдов покровителю, и всех с верою и любовию призывающих тя в молитвах, мы, чада твоя, прибегаем и усердно просим: не забуди нас смиренных и грешных, яви нам твое отеческое заступление, испроси нам у Господа богатые милости Его: земли плодоносие, воздухов благорастворение, дожди благовременны, покоя и тишины во днех наших, благочестия умножение, болящим здравие, скорбящим утешение, унывающим ободрение, сирым призрение, убогим снабдение, подвизающимся преспеяние и всем нам вечное спасение. Ей, угодниче Божий! Умоли Всемилостиваго Бога даровати нам чудесную помощь и яко по молитвам твоим Господь воскресил дщерь твою и исцелил отрока слепаго, тако испроси у Господа исцеление немощей наших и душ спасение. Да твоим ходатайством вси спасаеми, едиными усты и единым сердцем прославим бога в Троице славимаго, Отца и Сына и Святаго Духа, и Его благодать, данную тебе во веки веков. Аминь.

Новые молитвы

Молитвы от коронавируса

Ознакомиться

Молитвы о самоубийцах

Ознакомиться

Молитвы за скончавшихся вне своего Отечества, за безродных и убогих

Ознакомиться

Молитвы за наставников и воспитателей

Ознакомиться

Молитвы за всякого усопшего

Ознакомиться